Qaraǵandy oblysynda 14 balalar tehnoparki ashylmaq
ASTANA. QazAqparat - Qaraǵandy oblysynda tehnıkalyq shyǵarmashylyqqa qyzyǵýshy balalar úshin kóptegen jańashyldyqtar paıda boldy. Ótken jyly 209 robot tehnıkasy laboratorııalary men 73 IT-synyp ashyldy. Qalalyq jáne aýyldyq oqýshylar úshin birdeı jaǵdaılar jasalýda, dep habarlaıdy oblystyq ákimdiktiń baspasóz qyzmeti.
Alǵashqy tórt tehnopark Shahtınsk, Qaraǵandy, Balqash qalalary men Abaı aýdanynda ashyldy. Bıyl osyndaı ortalyqtardyń sany kóbeıedi, ol úshin 14 tehnopark ashý josparlanýda.
Abaı aýdanynyń Topar aýylynda tehnopark burynǵy aýyl sharýashylyq kolledjinde ashyldy. Kún saıyn onda 300 deıin bala kele alady. Ortalyqta tek qana toparlyq balalar ǵana emes, sondaı-aq jaqyn mańdaǵy aýyldardanda balalar keledi.
Munda ár bala men jasóspirim óz qyzyǵýshylyǵy boıynsha úıirmeni taba alady. Laboratorııalarda balalar tehnıkalyq qurastyrý men modeldeýdi, baǵdarlamalaýdy, metall jonýshy jáne temir ustasy isteri boıynsha bilim alady, túrli ǵylymdardy meńgeredi. Jas tehnıkter zamanaýı stanoktar men jabdyqtardy paıdalanady.
Ustazdar balalar jaı ǵana naqty bir bilim men tájirıbeni alatyn eski ádisterden jańasyna kóshýde. Búginde ǵylymdardy biriktirýge baǵyttalǵan STEAM bilim tehnologııasy engizilýde. Ol bolashaq mamandyqtardy daıarlaýǵa baǵyttalǵan.
Tehnoparktegi barlyq laboratorııalar ózara baılanystyrylǵan. Mundaı tásil jaqsy nátıjeler berýde. Toparlyq oqýshylar energııany únemdeý jáne energııanyń balama kózderi salalarynda óz jobalaryn daıyndaýda. Mundaı jobanyń biri neıron datchıkterin qoldanýmen baılanysty.
Sonymen qatar jas zertteýshilerge óz jobalaryn durys qorǵaý úıretiledi. Ol úshin tehnoparkte marketıngtik aımaq uıymdastyrylǵan.
