Qaraǵandy oblysynda 13 aýyldyq okrýgtiń ákimi saılandy
ASTANA. QazAqparat - Qaraǵandy oblysynda aýyldyq okrýgter men aýyldardyń ákimderi saılandy, dep habarlaıdy óńirlik ákimdiktiń baspasóz qyzmeti.
Saılaý 13 eldi meken men alty aýdanda ótti: Abaı, Buqar Jyraý, Qarqaraly, Nura, Osakarov jáne Ulytaý.
Saılaý nátıjeleri týraly Qaraǵandy oblystyq saılaý komıssııasynda aıtyldy.
Jańadan saılanǵan 13 aýyldyq ákimderdiń ishinde ekeýi áıelder. 41 jastaǵy Merýert Mádikeeva Qarqaraly aýdany Egindibulaq aýyldyq okrýginiń ákimi bolyp saılandy. Osyǵan deıin ol balabaqsha dırektory bolyp qyzmet etken. 54 jastaǵy Merkýrıı Ysqaqova Nura aýdanynyń Ahmet aýylynyń ákimi laýazymyna saılandy. Osyǵan deıin ol memlekettik qyzmette - osy ákimdiktiń aǵa mamany bolyp istegen.
Jańadan saılanǵan ákimderdiń jas mólsherleri - 29-dan 52-ge deıin. Olardyń kóbisi - memlekettik qyzmetkerler, aýdandyq jáne aýyldyq ákimdikterde bas nemese aǵa mamandar bolyp qyzmet etken. Arasynda bir ІІM zeınetkeri bar: 46 jasar Serikjan Músipov, ol Osakarov aýdanynyń Chapaev aýyldyq okrýginiń ákimi boldy. Osakarov aýdany Aqbulaq aýyldyq okrýgine ákim bolǵan 30 jasar Nurǵazy Mashrapov osyǵan deıin Ertis aýyldyq okrýginiń ákimi qyzmetin atqaryp kelgen.
Ortasha eseptegende bir orynda úsh adamnan baq talastyrǵan. 13 ákimder qyzmetine 40 úmitker tirkelgen.
Qazaqstanda aýdandyq mańyzy bar qalalardyń, kentter jáne aýyldardyń ákimderi saılanady. Saılaýshylar jergilikti máslıhat depýtattary bolyp tabylady. saılaý qupııa daýys berý arqyly ótedi.
Úmitkerler jergilikti qaýymdastyqpen kelisilgen soń usynylady. Ereje boıynsha olardyń jasy 25 jastan tómen bolmaýy tıis. Joǵary bilimi bolýy shart.
Saılanǵan ákimderdiń qyzmet etý merzimi - 4 jyl.
