Qaraǵandy oblysynda 1000 muǵalim jetispeıdi
ASTANA. QazAqparat - Oblys ákimi Erlan Qoshanovtyń tóraǵalyǵymen ótken jastar isi jónindegi kóshpeli keńes otyrynda jastardy jumyspen qamtý máselesi talqylandy, dep habarlaıdy ákimniń resmı saıty.
Qaraǵandy oblysynyń jastar saıasaty máseleleri jónindegi basqarma basshysy Mıras Quttybaı oblysymyzdyń jastary úshin mańyzdy máselelerdi atap aıtty.
«Eń mańyzdy másele - ol aýyl jastaryn jumyspen qamtý. Jáne de jastardyń bos ýaqytyn uıymdastyrý, jas otbasylarǵa kómek kórsetý jáne jastar arasyndaǵy qylmystardyń aldyn alý», - dedi M.Quttybaı.
Onyń sózinshe, jastardy jumyspen qamtý - búgingi eń mańyzdy másele. 2009-2016 jyldar aralyǵynda Qaraǵandy oblysynda «Dıplommen aýylǵa» baǵdarlamasy aıasynda 2215 jas maman jumysqa ornalastyrylǵan. Bıylǵy jyly barlyǵy 78 adam. Erlan Qoshanov munyń az ekenin aıtty.
«Men aýdadarǵa jıi baramyn, onda únemi kadrlardyń jetispeýi aıtylady, - dedi oblys ákimi.- Nege jastardy jumyspen qamtymasqa? Bul máseleni sheshý kerek. Jaqynda bilim salasynda jańa zańǵa qol qoıyldy, oǵan saı endi ákimder jas mamandardy oqytý úshin óz granttaryn bóle alady. Bıyl bıýdjet bekitildi, al kelesi jyldan bastap stýdentter bul granttardy ala alady. Sonan soń, dıplom alǵan soń óz aýylynda jumys jasaýǵa mindetteledi.
Búgingi tańda Qaraǵandy oblysynda 1000 muǵalim jetispeıdi.
«Oblys bıýdjetinen bólinetin soma, shamamen 300 bilim grantyn jabatyn bolady. Bular fızıka, hımııa, bıologııa jáne basqa da pánderdiń muǵalimi», - dedi bilim basqarmasynyń jetekshisi Ashat Aımaǵambetov - Bul baǵdarlamaǵa qatysýshylar oqý bitirgen soń óz aýyldarynda jumys isteýleri tıis. Jas mamandarda turǵyn-úı máselesi týyndamas úshin, olar óz aýyldaryna jiberiledi.
Búginde Qaraǵandy oblysynda 29 jasqa deıingi 304 269 adam turady. Olardyń 75 536 aýyl jastary.
