Qaraǵandy oblysynda 100 aýla abattandyrylady
Jóndeý jumystary mamyr aıynda bastalyp, qazan aıyna deıin jalǵasady. Barlyq aýlalarda asfalt tóselip, jańa jıektastar, qoqys jáshikteri men oryndyqtar ornatylady. Sondaı-aq, árbir aýmaqta jaryqtandyrý baǵanalary paıda bolady. Eki aýdan ákimderiniń aıtýynsha, eger abattandyrý barysynda turǵyndar tarapynan tilekter týyndasa, olar mindetti túrde nazarǵa alynady.
Sondaı-aq, qala ákimi Nurlan Áýbákirov ár aýmaqtyń janynda merdiger-kompanııanyń baılanys aqparattary men basshylardyń telefondary bar taqtaıshalardy ornalastyrýdy tapsyrdy.
«Qandaı da bir suraqtar nemese janjaldar bolǵan jaǵdaıda, olar merdigerge tikeleı júgine alady», - dep túsindirdi qala ákimi.
Aýlalyq aýmaqtardan basqa, Qazybek bı aýdanynda 5 jáne Oktıabr aýdanynda 10 turǵyn úıdiń janyndaǵy 15 shaǵyn gúlzar abattandyrylady. Onda balalardyń oıyn keshenderi men sporttyq jabdyqtar paıda bolady, jol boıynda tas tósemeler salynady jáne aýmaq kógaldandyrylady.
Qala basshysy aýdan ákimderine abattandyrý júrgiziletin árbir nysandy baqylaýǵa alýdy tapsyrdy. Jumystyń sapasy men oryndalý merzimine erekshe nazar aýdarý kerektigi aıtyldy.
