Qaraǵandy oblysynda 10 aýyl alkogolden bas tartty

QARAǴANDY. QazAqparat – Qaraǵandy oblysynyń Jańaarqa aýdanyndaǵy 10 aýyldyń turǵyndary alkogolden bas tartty. Osylaısha olar salaýatty ómirdiń artyqshylyqtaryn kórsetkisi keledi, dep habarlaıdy QazAqparat tilshisi.

Bul ıdeıany aýyldardyń biriniń belsendileri bastady. Kóptegen turǵyndar olardyń bastamasyn qoldady. Olar jobany «Іshimdiksiz aýyl» dep atady.

Jobanyń basty maqsaty – alkogoldi ishimdik ishýge tyıym salý emes, salaýatty ómirdiń jaqsy jaqtaryn kórsetý.

Belsendiler aýyl turǵyndaryn ártúrli is-sharalarǵa tarta otyryp, olardy táýeldilikten aryltýdy kózdep otyr.

Sondaı-aq olardy otbasyndaǵy jaqyndarymen birge kóbirek ýaqyt ótkizýge shaqyrady. Osylaısha basqalarǵa úlgi kórsetpekshi.

Jobaǵa Jańaarqa aýdanynyń 10 aýyly qatysýda. Kóptegen dúken ıeleri tipti alkogoldi ishimdikterdi satýǵa arnalǵan lıtsenzııadan bas tartty.

Biraq jergilikti ákimdik spırttik ónimderdi satýǵa barlyq jergilikti kásipkerlerge zańnamalyq turǵyda tyıym sala almaıdy.

Alaıda, joba qatysýshylary olardy osy bastamany qoldaýǵa shaqyrady.

Aıta ketý kerek, munyń bári erikti negizde jasalady.

Mereke jáne otbasylyq is-sharalar kezinde aýyl turǵyndarynyń áreketterin eshkim baqylamaıdy.

Árkim ózi tańdaý jasaýǵa quqyly, deıdi joba uıymdastyrýshylary.