Qaraǵandy oblysynda 1 myń otbasy tegin azyq-túlik jıyntyǵyn alady

QARAǴANDY. QazAqparat – Salmaǵy 50 keli bolatyn azyq-túlik sebetteri Qaraǵandy oblysynyń on jeti qalasy men kentiniń turǵyndaryna jetkiziledi. Az qamtylǵan jáne kópbalaly otbasylar, sondaı-aq erekshe qajettiligi bar balasy bar otbasylar qaıyrymdylyq kómek alady, dep habarlaıdy QazAqparat tilshisi.

Ayala qaıyrymdylyq qory «Halyq» QQ uıymdastyrǵan «El tiregi – Elbasy» aktsııasy aıasynda qoldaý kórsetedi.

Qordyń málimetinshe, Qaraǵandy oblysynda myńdaǵan otbasy azyq-túlik jıyntyǵymen qamtamasyz etiledi.

Tizimderdi óńirlik ákimdikter usynady.

«Bizdiń Qor pandemııa bastalǵan sátten bastap múgedek balalary bar otbasylarǵa ataýly kómek kórsetedi. Biz olarǵa kıim, oıynshyqtar men kitaptar, tátti syılyqtar, azyq-túlik jáne planshetterdi onlaın rejıminde oqytýǵa kómektestik. Qaraǵandyda ótken jyldyń jeltoqsan aıynda «qamqorlyq kúshi» aktsııasyn ótkizdik», - dep atap ótti Ayala qaıyrymdylyq qorynyń prezıdenti Aıdan Súleımenova.

Naýryzdy toılaý aldynda Qaraǵandy, Temirtaý, Saran jáne Qarqaraly aýdanynda turatyn 225 otbasy azyq-túlik sebetterin aldy.

«El tiregi – Elbasy» aktsııasy aıasynda Qaraǵandy oblysynda azyq-túlik jıyntyǵyn jetkizý 30 naýryzǵa deıin jalǵasady» dep habarlady qor ókilderi.