Qaraǵandy oblysynda 1,6 myń adam COVID-19 vaktsınasyn aldy
QARAǴANDY. QazAqparat – Qaraǵandy oblysynda medıtsına qyzmetkerlerin, onyń ishinde juqpaly aýrýlar aýrýhanalarynyń, jedel medıtsınalyq kómek personalyn, sondaı-aq epıdemıologtar men sanıtarlyq dárigerlerdi vaktsınatsııalaý jalǵasyp jatyr, dep habarlaıdy QazAqparat tilshisi.
Búgingi tańda COVID-19 vaktsınatsııasymen 1600 adam qamtyldy. 22 aqpannan bastap taǵy 80 adam «Gam-Kovıd-Vak» (Spýtnık V) ekinshi dozasyn aldy.
«Oblysta vaktsınatsııadan keıingi asqyný tirkelgen joq. Qaraǵandy oblysynyń bas memlekettik sanıtarııalyq dárigeri ıÝrıı Zalygın «Spýtnık V» koronavırýstyq ınfektsııaǵa qarsy vaktsınanyń ekinshi komponentimen egildi. Vaktsınanyń ekinshi dozasyn birinshi sııaqty sanıtarııalyq dáriger Medıtsınalyq-sanıtarııalyq alǵashqy kómek bazasynda aldy. Algorıtm boıynsha bas dáriger medıtsınalyq baqylaýda 30 mınýt ótkizdi, onyń aıtýynsha, ol ózin jaqsy sezinedi», - dep málimdedi Qaraǵandy oblysy sanıtarlyq-epıdemıologııalyq baqylaý departamentiniń baspasóz qyzmeti.
Profılaktıkalyq egýge qarsy kórsetilimderi joq adamdar jiberiledi. Vaktsınatsııa aldynda dáriger mindetti túrde tekseredi. Egiletin adam jazbasha túrde profılaktıkalyq egýge kelisim beredi nemese bas tartyp qol qoıady. Eki satyly vaktsınanyń dozasyn alý arasyndaǵy aralyq 21 kún.
