Qaraǵandy oblysynda 1,5 keli geroınmen 19 jastaǵy jergilikti turǵyn ustaldy - ІІM
ASTANA. 10 qarasha. QazAqparat /Gúlmıra Álıakparova/ - Qaraǵandy oblysynda 1,5 keli geroınmen 19 jastaǵy jergilikti turǵyn ustaldy.
«Arnaıy operatsııa barysynda Qaraǵandy oblystyq Іshki ister departamentiniń polıtsııa qyzmetkerleri 19 jastaǵy jergilikti turǵyndy ustady. Ustalǵannyń páterin tintý kezinde 1,5 kg astam geroın alyndy», - dep málim etti búgin ótken brıfıngide QR Іshki ister mınıstrligi Til saıasaty jáne aqparat departamentiniń jetekshisi Qýanyshbek Jumanov.
Sondaı-aq departament jetekshisiniń aıtýynsha, ótken aptada Soltústik Qazaqstan oblysy boıynsha polıtsııa qyzmetkerleri osy óńirge esirtki quraldaryn satý arnasyn anyqtap, jolyn kesti. Máselen, arnaıy operatsııanyń nátıjesinde Petropavl qalasynda Jambyl oblysynan kelgen 42 jáne 43 jastaǵy erli-zaıyptylar ustalyp, olardan 200 kg marıhýana tárkilendi.
Jalpy Q.Jumanovtyń sózine qaraǵanda, elimizdegi krımınogendik jaǵdaı turaqty. Ótken apta ishinde 1918 qylmys jasaldy, onyń ishinde 1426-i «izi sýymaı» ashyldy. Buryn jasalǵan 319 qylmystyń beti ashylyp, 73 kúdikti tabyldy. Sonymen qatar esirtki qylmysyna qatysty - 94, onyń ishinde esirtkini satý boıynsha - 15 fakti anyqtaldy. Nátıjesinde 630 kelige jýyq esirtki, 1,5 keliden astam geroın tárkilendi.
