Qaraǵandy oblysynda 1,3 myń shaqyrym avtojol jóndeledi
ASTANA. QazAqparat – Bıyl Qaraǵandy oblysynda 1 374 shaqyrym avtojol jóndeý jumystarymen qamtylady. Bul týraly óńir ákimi Ermaǵanbet Bólekpaev Ortalyq kommýnıkatsııalar qyzmetindegi baspasóz máslıhatynda málim etti, dep habarlaıdy QazAqparat tilshisi.
«Qaraǵandy oblysynda 1 374 shaqyrym avtojol jóndeý jumystarymen qamtylady. Bul – 640 shaqyrym respýblıkalyq mańyzy bar avtojoldar, 317 shaqyrym oblystyq mańyzy bar avtojoldar jáne 417 shaqyrym jergilikti jeliler. 3 myńǵa jýyq jol-qurylys tehnıkasyn iske qosý, 570 jumys ornyn qurý josparlanýda. Nátıjesinde normatıvtik jaǵdaıdaǵy joldardyń úlesi 92 paıyzǵa deıin jetkiziletin bolady», - dedi Qaraǵandy oblysynyń ákimi.
Onyń atap ótýinshe, «Ortalyq-Ońtústik» aýqymdy jobasyn qosa alǵanda, jol ınfraqurylymyn jaqsartý boıynsha jumystar jalǵasady. Bıyl Qaraǵandy – Balqash respýblıkalyq avtojolynyń tórt jolaǵy boıynsha jol ashylady. Qaraǵandy – Qarqaraly jolynyń bes ýchaskesine ortasha jóndeý jumystary júrgiziledi.
«Sondaı-aq jaqyn arada Qaraǵandy –Jezqazǵan avtojolyn qaıta jańartýǵa kirisemiz. Joba úsh jylǵa eseptelgen», – dedi Ermaǵanbet Bólekpaev.
