Qaraǵandy oblysynan shyǵatyn barlyq joldar jabyldy
QARAǴANDY. QazAqparat – Aýa raıynyń buzylýyna baılanysty Qaraǵandy oblysynyń avtojoldarynda kóliktiń barlyq túri úshin qozǵalysqa tyıym salyndy, dep habarlaıdy QazAqparat.
«QazAvtoJol» UK» AQ málimetine sáıkes, kóktaıǵaq pen jaıaý burqasynǵa baılanysty 7 aqpan, saǵat 00.07-den bastap kóliktiń barlyq túri úshin barlyq baǵyttaǵy joldar qozǵalys úshin jabyldy», - delingen Qaraǵandy oblystyq Tótenshe jaǵdaılar departamentiniń habarlamasynda.
Buǵan deıin kelesi avtojoldar jabylǵan bolatyn:
- «Jezqazǵan - Petropavl» (24-252 km, Satbaev qalasy - Qostanaı oblysynyń shekarasy);
- «Qyzylorda - Pavlodar» (433-750 km, Jezqazǵan qalasy - Atasý kenti).
Sondaı-aq myna joldarda qozǵalysqa tyıym salyndy:
Atap aıtqanda: - «Ekaterınbor-Almaty» avtojolynyń 917-1247 shaqyrym aralyǵy (Jaqsy kenti - Nur-Sultan qalasy);
- «Qostanaı-Áýlıekól-Surǵan» avtojolynyń 232-260 shaqyrym aralyǵy (Qostanaı oblysy shekarasy - Sýrgan kenti);
- «Jezqazǵan Petropavl» avtojolynyń 337-595 shaqyrym aralyǵy (Qostanaı jáne Soltústik Qazaqstan oblystary shekarasy);
- «Jaqsy-Esil-Buzylyq» avtojolynyń 0-65 shaqyrym aralyǵy (Jaqsy-Esil).
Sınoptıkter respýblıkanyń barlyq derlik óńirinde eskertý jarııalady.
