Qaraǵandy oblysynan elordadaǵy jármeńkege 600 tonnadan astam ónim ákelinedi
NUR-SULTAN. QazAqparat - 5-6 qazan kúnderi Nur-Sultan qalasynda Qaraǵandy oblysynyń aýyl sharýashylyǵy ónimderiniń jármeńkesi ótedi. Jermeńke aıasynda «Baýyrsaq jáne qymyz» festıvali uıymdastyrylady, dep habarlaıdy elorda ákimdiginiń resmı saıty.
Atap aıtqanda, aldaǵy demalysta «Han Shatyr» saýda oıyn-saýyq ortalyǵynyń janynda Qaraǵandy oblysynyń aýyl sharýashylyǵy ónimderiniń jármeńkesi ótedi. Jármeńkege óńirdiń 9 aýdany men 4 qalasynan 80 sharýa qojalyǵy men qaıta óńdeý kásiporyndary óz ónimderin usynady. Saýda sórelerinde barlyǵy 600 tonnadan astam ónim satylady. Onyń ishinde: 100 tonnadan astam et jáne et ónimderi, 15 tonna sút ónimderi, 360 myń dana jumyrtqa, 5 tonna balyq jáne 16 tonnadan astam basqa da ónimder ákelinedi.
Sonymen qosa, aýyl sharýashylyǵy jármeńkesin ótkizý aıasynda «Baýyrsaq jáne qymyz» festıvalderi uıymdastyrylyp, kelýshiler nazaryna óńirdiń shyǵarmashylyq ujymdarymen kontserttik baǵdarlama usynylady.