Qaraǵandy oblysynan Birikken Arab Ámirlikterine qoı eksporttalýda
QARAǴANDY. QazAqparat - Qaraǵandy oblysy Birikken Arab Ámirlikterine qoı eksporttaýdy bastady. Jańaarqa aýdanyndaǵy «Jeńis» asyl tuqymdy mal sharýashylyǵy «Myco Trading FZE» azyq-túlik, et, aýylsharýashylyq ónimderin jetekshi BAÁ ımporttaýshylardyń birimen 5 myń qoıdy jetkizý týraly kelisimshart jasasty, dep habarlady Qaraǵandy oblysy ákimdigindegi agroónerkásiptik keshendi damytý bólimi habarlady.
Qyrkúıekte mal ósirýshiler myń bas kólemindegi usaq qara maldyń alǵashqy tobyn shet elge jiberdi.
«Biz arab kompanııasymen sátti kelissóz júrgizdik. Ol úshin bizge BAÁ-degi Qazaqstan Elshiligi kómektesti. Kelisimshart boıynsha, biz olarǵa tiri qoılardy jiberemiz, al olar óz tehnologııalary boıynsha soıady, - dedi «Jeńis» asyl tuqymdy mal sharýashylyq zaýyty» JShS dırektory Jambyl Júndibaev. - Myń qoıdy kólikpen Taraz áýejaıyna jetkizdik. Sol jaqtan ushaqqa tıep, áýe reısi arqyly BAÁ attandyryldy».
Buǵan deıin habarlanǵandaı, «Jeńis» JShS «saryarqalyq qylshyq júndi etti» qoı tuqymyn ósirýmen aınalysady. Sharýashylyq býdandastyrýǵa basymdyq beredi.
Onyń aıtýynsha, kásiporyn jylyna 130 tonnaǵa deıin qoı etin, onyń ishinde 90 tonna - qozy etin óndire alady.
