Qaraǵandy oblysynan 200 oqýshy Myń bala olımpıadasynyń ekinshi týryna ótti
NUR-SULTAN. QazAqparat - Elbasynyń «El Úmiti» bastamasy sheńberinde bıyl alǵash ret Myń bala respýblıkalyq ulttyq olımpıadasy ótti, dep habarlaıdy QazAqparat Qaraǵandy oblysy ákimdiginiń resmı saıtyna silteme jasap.
Joba elimizdiń úzdik mektepterinde bilim alý úshin aýyldyq jerlerden myńdaǵan qabiletti 5–6 synyp oqýshylaryn jyl saıyn anyqtaýǵa baǵyttalǵan.
Olımpıada uıymdastyrýshysy – «Elbasy Akademııasy» qory.
21 tamyzda Myń bala respýblıkalyq ulttyq olımpıadasynyń ekinshi oblystyq kezeńi ótti. Qaraǵandy oblysynda birinshi týrǵa 8 320 oqýshy qatysty. Ekinshi týrǵa 200 mektep oqýshysy ótti, onyń 170-i saıysqa tústi.
Olımpıada Qaraǵandy qalasyndaǵy NZM HBB, Jezqazǵan qalasyndaǵy №9 tirek mektebi, Jańarqa aýdanyndaǵy B.Amalbekov atyndaǵy orta mektep jáne Qarqaraly qalasyndaǵy Balalar jáne jasóspirimder ortalyǵy bazasynda ótti.
Ekinshi týrdyń barlyq qatysýshylary El Úmiti damytýshy onlaın platformasyndaǵy kýrstardy tegin oqı alady.
Myń bala olımpıadasynyń respýblıkalyq kezeńiniń myńdaǵan jeńimpazdaryna daryndy balalarǵa arnalǵan mamandandyrylǵan mektepterde oqý usynylady.
