Qaraǵandy oblysyna jylý úshin tólengen 167 mln teńge tutynýshylarǵa qaıtarylady

QARAǴANDY. QazAqparat - QR Ulttyq ekonomıka mınıstrligi Tabıǵı monopolııalardy retteý komıtetiniń Qaraǵandy oblysy boıynsha departamenti tarıfterdi qalyptastyrý qaǵıdalarynyń talaptaryna sáıkes jylýmen jabdyqtaý boıynsha qyzmetter qunyn qaıta eseptedi, dep habarlaıdy QazAqparat óńir basshysynyń resmı saıtyna silteme jasap.

2019-2020 jyldaǵy jylytý kezeńiniń esebi boıynsha jylý energııasyn óndirý, jiberý, bólý jáne jabdyqtaý qyzmetterinde kelesi sýbektiler boıynsha qyzmetter qunynyń «jylý jetispeýshigi» (QQS qosa alǵanda) jiberilgen.

Atap aıtqanda, «Okjetpes-T» JShS-nyń tutynýshylarǵa (halyqqa) qaıtaratyn somasy QQS qosa alǵanda 142 919 790 teńgeni, «Jylýmen-sýmen jabdyqtaý kásiporny» AQ – QQS qosa alǵanda 14 648 000 teńgeni, «Abaılyq jylý júıeleri» JShS – QQS qosa alǵanda 9 731 000 teńgeni quraǵan.

Nátıjesinde jylý esepteý qurylǵylary joq Qaraǵandy oblysynyń tutynýshylaryna tabıǵı monopolııa sýbektileri jalpy somasy QQS qosa alǵanda 167 298 790 teńgege jylý energııasymen jabdyqtaý boıynsha rettelmeli qyzmetter qunyna qaıta esepteý jasaıtyn boldy.