Qaraǵandy oblysyna 24 myńǵa jýyq doza koronavırýsqa qarsy vaktsına jetkizildi
QARAǴANDY. QazAqparat – Qaraǵandy oblysynda 10-sáýirde koronavırýs ınfektsııasynan halyqty ımmýndaýdyń keń aýqymdy naýqany bastalady. 18 jastan asqan barlyq adamdar ekpe ala alady, dep habarlaıdy QazAqparat tilshisi.
Qaraǵandy oblysynyń Qoǵamdyq densaýlyq saqtaý qyzmetiniń basshysy Bıbigúl Tólegenovanyń aıtýynsha, aımaqqa 23 740 doza vaktsına kelip túsken.
«Aldaǵy úsh kúnde taǵy 55 myń doza túsedi. Buryn 30 egý kabıneti bar 13 vaktsınatsııa ortalyǵy jumys isteıtin. Qazir biz vaktsınany birtindep ortalyq aýdandyq aýrýhanalarǵa, aýdandarǵa jáne basqa qalalarǵa taratamyz. Barlyq qaraǵandylyqtar turǵylyqty jeri boıynsha ekpe ala alady», - dep túsindirdi Bıbigúl Tólegenova.
Turǵyndarǵa Qaraǵandy farmatsevtıkalyq kesheni óndirgen «Spýtnık-V» vaktsınasy salynady. Bir flakon 5 adamǵa shaqtalǵan, sondyqtan aldyn-ala jazylý qajet.
Vaktsınatsııaǵa ótinimdi tirkelgen jeri boıynsha emhanada telefon arqyly, sondaı-aq eGov mobile mobıldik qosymshasy arqyly (vaktsınatsııalaýǵa jazba) berýge bolady.
Vaktsınatsııa ortalyqtarynyń telefondary men ornalasqan jerleri kórsetilgen tizim Qaraǵandy oblysynyń Densaýlyq saqtaý basqarmasynyń saıtynda ornalastyrylǵan.
