Qaraǵandy oblysy zańdastyrylǵan múlik quny boıynsha 13-inshi orynǵa ornalasty

QARAǴANDY. QazAqparat - Qaraǵandy oblysynda múlik pen qarjy qarajatyn zańdastyrý naýqanynyń aldyn ala nátıjeleri shyǵaryldy, dep habarlaıdy «QazAqparat» HAA tilshisi.

«Naýqan bastalǵaly beri ákimdikter janyndaǵy komıssııalar múlikti zańdastyrý boıynsha 1314 ótinimdi qabyldady, onyń 588-i - qaıtaryldy, jalpy somasy 12,9 mlrd. teńgeni quraıtyn 759 ótinim qanaǵattandyryldy.  Keıbir ótinimderde birneshe nysan kórsetildi. Barlyǵy 820 nysan zańdastyryldy, olardyń 121-i turǵyn jaılar», - dep habarlady oblystyq ekonomıka jáne qarjy basqarmasy bastyǵynyń orynbasary Ardaq Sattybaeva aımaq ákimdiginde ótken keńeste.

QR Qarjy mınıstrliginiń saraptamasyna sáıkes, Qaraǵandy oblysy zańdastyrylǵan múlik quny boıynsha eldiń 16 óńiri arasynda 13-inshi orynǵa ornalasty.

Keńeste málim bolǵandaı, qaraǵandylyqtar jalpy somasy 124,8 mlrd. teńgege sheteldegi múlikterin jáne qarjy qarajattaryn kóleńkeden shyǵardy. Memlekettik kirister organdaryna 725 arnaıy deklaratsııa tapsyryldy. Olar boıynsha 123,9 mln. teńge aqsha, 119,5 mln. teńgege baǵalanǵan sheteldegi múlikter, 650 mln. teńgeni quraıtyn sheteldik fırmalarǵa qatysý úlesteri zańdy kórinis tapty.

«Memlekettik bıýdjetke naýqan barysynda 13 mln. teńge túsim tústi», - dep málim etti oblystyq memlekettik kirister departamenti basshysynyń mindetin atqarýshy Qaırat Orqashbaev.

Eske salaıyq, Qazaqstanda múlik pen qarjy qarajatyn zańdastyrý naýqany 2004 jyldyń 1 qyrkúıeginde bastalyp, 2016 jyldyń 31 jeltoqsanynda aıaqtaldy.