Qaraǵandy oblysy TJD qyzmetkerleri tańǵa deıin 200-ge jýyq adamdy qutqardy
QARAǴANDY. QazAqparat - Ótken túni Qaraǵandy oblysynyń TJD qutqarýshylary «Ortalyq» Óńirlik qolbasshylyǵynyń áskerı qyzmetshilerimen birlesip qar qursaýynda qalǵan avtokólikterdi shyǵardy, dep habarlaıdy QazAqparat tilshisi.
27 qańtar kúni tańǵy saǵat 06.30-ǵa deıin «Almaty-Ekaterınbýrg» tas jolynyń 1047-1073-shi shaqyrymynda Temirtaý qalasynyń mańynda TJD jáne «Ortalyq» óńirlik qolbasshylyǵy ulttyq gvardııasy qar qursaýynda qalǵan avtobýs pen jeńil avtokólikterden 187 adamdy qutqardy, onyń ishinde 40 bala bolǵan. Adamdar Temirtaý qalasynyń QarMIÝ jáne №31 kolledjiniń jataqhanasyna ornalastyryldy. Qutqarylǵandar medıtsınalyq kómekti qajet etpedi
Qazirgi ýaqytta jolda 20-dan astam júk kóligi, 40 jeńil kólik jáne 1 avtobýs tur. Júrgizýshilerdiń bir bóligi evakýatsııalaýdan bas tartty. Oqıǵa ornynda 4 vahta, «Trekol» jol talǵamaıtyn kóligi jáne 6 jol tehnıkasy jumys istep jatyr. Qatty boran men ekpindi jeldiń saldarynan jol kórinbeı tur.
