Qaraǵandy oblysy Shet aýdanyndaǵy órttiń aýmaǵy 900 gektarǵa jýyqtady

QARAǴANDY. QazAqparat – Qaraǵandy oblysynyń Shet aýdanyndaǵy taý jotasynyń aýmaǵynda tabıǵı órtti sóndirýge 168 adam jáne 34 tehnıka jumyldyryldy. Qabyldanǵan sharalardyń arqasynda jaǵdaı turaqtandy. Jumystar bir oshaqta júrgizilýde, ashyq janý oshaǵy joq. Sýarý jumystary jáne qaraýyl júrgizilýde, dep habarlaıdy QazAqparat tilshisi.

Aerovızýaldy zertteý derekterine saı, aldyn ala boljam boıynsha órttiń aýdany 870 ga quraıdy. Onyń ishinde «Aqtoǵaı orman jáne janýarlar dúnıesin qorǵaý jónindegi sharýashylyq» KMM aýmaǵynda 116,143 ga jer órtengen.

«Ótken táýlikte Qaraǵandy oblysynyń aýmaǵynda qurǵaq shóptiń eki dala janýy joıyldy: Buqar jyraý aýdanyndaǵy Úshtóbe aýyldyq okrýginde 15 ga alańda jáne Aqtoǵaı aýdanyndaǵy Shabanbaı bı aýyldyq okrýginde 10 ga alańda. Aqtoǵaı aýdanyndaǵy Aıyrtas aýyldyq okrýginde bir dala janý oshaǵy baqylaýda qalyp otyr. Órtti joıýǵa TJD jáne Aıyrtas aýylynyń órt sóndirý beketiniń kúshteri jumyldyryldy. Janý aýdany anyqtalýda», - dep málimdedi TJD baspasóz qyzmetinde.

Qaraǵandy oblysynyń TJD qyzmetkerleri órt qaýipti kezeńde órt qaýipsizdigi erejelerin saqtaý qajettigin eske salady.

- Qurǵaq mezgilde ormandar men dalalarda otpen jumys istegende erekshe saq bolý kerek;

- Sóndirilmegen sirińke men temekini tastamańyz, sóndirilmegen ottardy, sondaı-aq synǵan áınekti qaldyrmańyz;

- Aýyl sharýashylyǵy jumystaryn júrgizý kezinde jaramdy ushqyn sóndirgishteri bar tehnıkany paıdalaný qajet.