Qaraǵandy oblysy: Saran saıabaǵyn talqandaǵandar anyqtaldy
QARAǴANDY. QazAqparat - Qaraǵandy oblysy Saran qalasyndaǵy saıabaqty talqandaǵan buzaqylar anyqtaldy, dep habarlaıdy QazAqparat.
Saran qalasynda belgisiz bireýler saıabaqtaǵy oryndyqtardy jáne ózge de múlikterdi qıratyp, syndyryp ketken edi. Bul másele áleýmettik jelide qyzý talqylanǵan bolatyn.
Qaraǵandy oblysy ІІD baspasóz qyzmetiniń málimetine qaraǵanda, saıabaqta buzaqylyq jasaǵandardyń aty-jónderi anyqtaldy. Olar sol mańaıdaǵy beınekameralardyń birine túsip qalǵan.
«Buzaqylyq jasaǵandar kámelettik jasqa tolmaǵan jasóspirimder bolyp shyqty. Olar ákimshilik jaýapkershilikke tartyldy»,-dep habarlady oblystyq ІІD baspasóz qyzmetiniń ókili Baqytjan Qudııarov.
Araılym Satybaldyqyzy
Foto: chr.mk.ru/a
