Qaraǵandy oblysy PD basshylyǵy ardager áıelderdi quttyqtady
QARAǴANDY. QazAqparat - Qaraǵandyda polıtsııa qyzmetiniń ardager áıelderine qurmet kórsetilip, departamenttiń áıelder keńesi jumysynyń qorytyndysy jasaldy, dep habarlaıdy QazAqparat tilshisi.
Qaraǵandy oblysy PD áıelder keńesiniń jyl sońynda ishki ister organdarynda jumys istegen ardager áıelderdi marapattaý jáne óz qyzmetiniń qorytyndysyn shyǵarý jaqsy dástúrge aınalǵan.
Jańa jyl qarsańynda oblystyń PD «Jańa jyldyq quttyqtaý» atty is-shara ótkizdi. Saltanatty shara soǵys jáne Eńbek Dańqy murajaıynda ótti.
«Biz polıtsııa departamentiniń qabyrǵasynda jańa jyl qarsańynda jınalyp otyrmyz. Alǵashqy jyldary kópbalaly otbasylar men polıtseı juptar, polıtsııa áýletteri marapattaldy. Bıyl qazaqstandyq polıtsııanyń qalyptasýyna úles qosqan ardager áıelderdi qurmetteımiz», - dep atap ótti Qaraǵandy oblysy PD shtab bastyǵy, polıtsııa polkovnıgi Natalıa Adıýkına.
Áıelder keńesi otbasyn nyǵaıtýǵa, otbasylyq jáne mádenı qundylyqtardy, jas urpaqtyń júreginde patrıotızmdi nasıhattaýǵa baǵyttalǵan ІІO-nyń jumysyna belsendi qatysqany úshin Lı Olga Aleksandrovna, Permıakova Valentına Semenovna, Hamıtbekova Kýlpar Ábdisalykova, Safronova Natalıa Grıgorevna, Asıa Hegaı jáne t.b. ІІM-niń ardagerlerine alǵys bildirdi.
Іs-shara sońynda barlyq qonaqtarǵa estelik syılyqtar men gúlder tabys etildi.
