Qaraǵandy oblysy ózenderinde muz jarý jumystary jalǵasýda

QARAǴANDY. QazAqparat – Sý tasqynyna qarsy aldyn alý is-sharalary aıasynda Qaraǵandy oblysynyń ózenderinde muzdy jarý jumystary jalǵasyp jatyr. Іs-sharalar kóktemgi seń júrý kezeńinde keptelis qubylystarynyń aldyn alý jáne tasqyn sýlardyń apatsyz ótýin uıymdastyrý maqsatynda júrgizilýde, dep habarlaıdy QazAqparat tilshisi.

6 sáýirde jarylys jumystary Abaı aýdanynyń Samar aýyldyq okrýgindegi Nura ózeninde júrgizildi. Muzdy usaqtaý jalpy aýdany 500 sharshy metrdi qurady .

Búgin Qarqaraly aýdanyndaǵy Qarasor kólinde jarylys jumystary josparlanyp otyr .

Sondaı-aq Aqtoǵaı aýdanyndaǵy Aqtas ózeninde jáne Buqar jyraý aýdanyndaǵy Nura ózeninde muzdy burǵylaý jáne kesý jumystary júrgizildi.

Qazirgi ýaqytta oblys boıynsha sý tasqyny jaǵdaıy turaqty jáne baqylaýda. Al 20 naýryzdan bastap oblystyq sý tasqynyna qarsy jedel shtab quryldy.