Qaraǵandy oblysy Osakarov aýdanynyń ataýy ózgeredi

QARAǴANDY. QazAqparat - Qaraǵandy oblysynyń Osakarov aýdany «Sarybel» dep atalmaq. Bul máselege qatysty qoǵamdyq tyńdaý ótti, dep habarlaıdy QazAqparat tilshisi.

Aýdan turǵyndary arasynda Osakarov aýdanynyń ataýyn ózgertý týraly 90-shy jyldardyń aıaǵynda aıtyla bastady. Sońǵy jyldary bul másele halyqpen kezdesýlerde de, áleýmettik jelilerde de jıi qozǵalady.

«Sarybel» - bul aımaqtyń tarıhı ataýy. Bul máseleni E.Bóketov atyndaǵy QarMÝ professorlary men dotsentteri tereń zerttep keledi. Barlyq aýyldyq okrýgter men kentter boıynsha tyńdaýlar ótti. Habarlandyrýlar aýdandyq ákimdiktiń jáne máslıhattyń resmı saıttarynda, sondaı-aq aýdandyq «Sarybel KZ» jáne «Selskıı trýjenık» gazetteriniń paraqshasynda jarııalandy. Tyńdaýǵa Qoǵamdyq keńes músheleri, jergilikti qoǵamdastyqtar jáne aýdan turǵyndary qatysty. Barlyq suraqtarǵa túsiniktemeler men jaýaptar berildi», - dep habarlady Osakarov aýdany ákimdiginiń baspasóz qyzmeti.

Aýdan ákimdiginen málimdegendeı, Osakarovka kentiniń ózin qaıta ataý týraly másele kóterilmegen. Ol sol kúıinde qala bermek.

Sonymen qatar vedomstvonyń aıtýynsha, bul qaıta atalý protsessine baılanysty jeke turǵyndar tarapynan eshqandaı shyǵyndar bolmaıdy. Barlyq qujattar tıisti organdarǵa jiberiledi.

Foto: foto-planeta.com