Qaraǵandy oblysy Nura aýdanynda mektep ǵımaraty qırady
QARAǴANDY. QazAqparat - Úshinshi qazan kúni Qaraǵandy oblysy Nura aýdany Balyqtykól aýylynda eki qabatty mektep ǵımaratynyń birqatar bóligi qulap, bir adam jaraqattandy, dep habarlaıdy «QazAqparat» HAA tilshisi.
«Búgin 9:40-ta Nura aýdany Balyqtykól aýylynda mektep ǵımaraty qurylysynyń qıraǵany jaıly habarlama kelip tústi. Jóndeý jumystaryn júrgizý kezinde ekinshi qabattaǵy tórt sharshy metrli dálizdegi plıta jabyndysy qulaǵandyǵy anyqtaldy. Bir jumysshy zardap shekti», - dedi Qaraǵandy oblysy TJ departamentiniń resmı ókili Janna Dáýrenbekova.
Jedel qutqarý jasaǵynyń qutqarýshylary, №25 órt sóndirý bólimshesiniń mamandandyrylǵan qyzmetkerleri jáne «Kómir» apatty-qutqarý qyzmetkerleri dereý oqıǵa ornyna attandy.
Qaraǵandydan Balyqtykól aýylyna deıingi aralyq 140 shaqyrymnan artady.
«Qutqarýshylar oqıǵa ornyna jetkenshe, jergilikti atqarýshy organdary qyzmetkerleri jáne qurylysshylardyń kúshimen úıindiler astynda qalǵan bir adam qutqarylyp, Shahtınsk aýrýhanasyna jetkizildi degen habarlama kelip tústi», - dedi Janna Dáýrenbekova.
