Qaraǵandy oblysy qysqa daıyndalyp jatyr
QARAǴANDY. QazAqparat - Qaraǵandy oblysy dál qazir qysqa 66,8% daıyn. Bul týraly oblys ákiminiń orynbasary Anatolıı Shkarýpa málim etti, dep habarlaıdy QazAqparat tilshisi oblys ákimdiginiń baspasóz qyzmetine silteme jasap.
Onyń aıtýynsha, jylý maýsymyna daıyndyq jumystary kesteden alda keledi. Daıyndyq jospary somasy 56 mlrd teńgeden asatyn jóndeý jumystaryn da qamtyǵan.
«Jospar boıynsha daıyndyq 65% bolýy tıis edi, biraq oryndalǵan jumystar jalpy jospardyń 66,8%-yn quraıdy. Degenmen Temirtaýda jáne Qarqaraly aýdandarynda jóndeý jumystary kesheýildep tur. Sondaı-aq Qaraǵandyda, Balqashta, Qarajalda, Sátbaevta jáne Ulytaý aýdanynda turǵyn úıler men áleýmettik nysandardy jylý maýsymyna daıyndaý jumystarynda artta qalýshylyq baıqalady», - dedi Anatolıı Shkarýpa.
Oblys ákiminiń orynbasary qalalar men aýdandardyń ákimderi oblystyq basqarmalarmen birlese otyryp, jylý maýsymyna daıyndyqty kúsheıtýi tıis ekenin aıtty.
«Biz alpys paıyzdyq belesten astyq. ıAǵnı kúz-qys maýsymyna daıyndyq jumystary aıaqtalýǵa jaqyn. Qorytyndy shyǵarýǵa eki aı ǵana ýaqyt qaldy. Sondyqtan qalalar men aýdandardyń ákimderi jospardaǵy jumystardyń der kezinde oryndalýyn barynsha qadaǵalýy tıis», - dedi ol.
