Qaraǵandy oblysy: Qyryqqabattyń ne úshin qymbattaǵany anyqtaldy
QARAǴANDY. QazAqparat - Qaraǵandy oblysynda qyryqqabat baǵasy - 70% artty. Mamandar oǵan óńirdegi oramjapyraq qory aıaqtalyp, kókónistiń bul túrin Ózbekstannan tasymaldaý sebep bolyp otyrǵanyn aıtady, dep habarlaıdy QazAqparat tilshisi.
Aldaǵy ýaqytta baǵanyń ósýine jol bermeý úshin Qaraǵandy oblysynda bıyl 100 gektar jerge qyryqqabat otyrǵyzylmaq. Bul atalmysh kókónis ónimdiligin 14 myń tonnadan 20 myń tonnaǵa deıin arttyrýǵa múmkindik beredi.
Basqa kókónister men bakaleıa ónimderiniń baǵasy turaqtandyrý qorynyń esebinen retteledi. Áleýmettik pavılondardyń sórelerine ónimder sol jerden jetkiziledi. Qazirgi tańda qorda 1198 tonna kartop, 50 tonna sábiz jáne qyzylsha, 68 tonna qaraqumyq, kúrish pen qant bar. Qosymsha 136 tonna qant jáne 50 myń lıtr kúnbaǵys maıy satyp alynady.
Kelesi jyly Qaraǵandyda Kógildir toǵan yqsham aýdanynda iri saýda ortalyǵy salynady dep josparlanýda. Ol 27 gektar jerdi alady. Munda 130 myńǵa jýyq azyq-túlik ónimderi óndiriledi, satyp alynady jáne satylatyn bolady.
