Qaraǵandy oblysy Qazybek bıdiń 350 jyldyǵyn joǵary deńgeıde atap ótpek
ASTANA. QazAqparat - Egindibulaqqa jumys sapary barysynda Erlan Qoshanov Qazybek bı babamyzdyń 350 jyldyǵyn atap ótýge qatysty daıyndyq jumystarynyń barysymen tanysyp qaıtty, dep habarlaıdy Qaraǵandy oblysy ákimdiginiń resmı saıty .
Aımaq basshysy qazaqtyń ǵulama bıi jáne shesheni, qoǵam qaıratkeri Kazybek bıdiń 350 jyldyǵyna oraı salynǵan stellany qarap shyqty. Dál osy nysannyń saltanatty ashylýynan mereıtoılyq sharalar bastaý alady.
- Meni Egindibulaqtyń turǵyndary bizdiń ǵulama babamyzdyń 350 jyldyǵyna tyńǵylyqty daıyndalyp jatqany qatty qýantady, - dedi Erlan Qoshanov. - Bul aýqymdy shara tek Qarqaraly aýdany men Qaraǵandy oblysy úshin ǵana emes, búkil Qazaqstan turǵyndary úshin de úlken mańyzǵa ıe. Biz barlyǵymyz osy merekeniń laıyqty ótýine úlesimizdi qosýymyz qajet.
Qaz daýysty Qazybek bı, Qazybek Keldibekuly - qazaq halqynyń XVII - XVIII ǵasyrlardaǵy uly úsh bıiniń biri, kórnekti qoǵam jáne memleket qaıratkeri. Orta júz arǵyn taıpasynyń qarakesek rýyna kiretin Bolatqoja atasynan shyqqan ol 1667 jyly Syr boıynda dúnıege kelgen. Arǵy atalary Shanshar abyz, Bulbul, óz ákesi Keldibek - esimderi elge belgili ádil bıler bolǵan.
350 jyldyq mereıtoıdy atap ótý 19 tamyzda Qarqaraly aýdanynyń Egindibulaq kentinde bastalady. Aýyl mańynda júzdegen aqshańqan kıiz úıler tigiledi. Merekelik sharalar Qazybek bı eskertkishine gúl shoqtaryn qoıý jáne quran baǵyshtaýdan bastalady. Kórermender nazaryna merekelik kontsert pen sporttyq saıystar usynylady.
Bul kúni Qaz daýysty Qazybek bı jolymen: «Babalarǵa taǵzym!» avtokerýeni bastaý alady. 28 kerýenge qatysýshylar 7 kólikpen Qarqaraly, Buqar Jyraý, Jańaarqa jáne Ulytaý aýdandary, Jezqazǵan, Qyzylorda, Túrkistan, Tashkent, Naýaı, Shymkent, Taraz, Balqash qalalary, Aqtoǵaı jáne Shet aýdandary arqyly ótedi. Al 30 tamyzda Qaraǵandy qalasynda márege jetedi.
20 tamyzda Qaraǵandy qalasyndaǵy Kenshiler mádenıet saraıynda Mońǵolııa, Qytaı, Qyrǵyzstan jáne Qazaqstannyń aqyndary qatysatyn halyqaralyq aıtys bolady. Dástúrli toılaý qazaqsha kúres jáne báıge sporttyq jarystarymen jalǵasady. Jarys jeńimpazdaryna uıymdastyrýshylar syılyq retinde aktokólik, mototsıkl, kvadrotsıkl jáne turmystyq tehnıka tabys etedi.
Qazybek bıdiń 350 jyldyǵyn toılaý osymen támamdalmaıdy. Úsh aı aralyǵynda túrli halyqaralyq konferentsııalar ótkizý, jyrshy-termeshi respýblıkalyq baıqaýyn uıymdastyrý, Qaraǵandy jáne Ońtústik Qazaqstan oblystarynyń ákimdikteri arasynda ózara seriktestik týraly memorandým jasaý, Qaraǵandy oblysy delegatsııasynyń Túrkistandaǵy Qoja Ahmet ıAssaýıdiń kesenesine resmı sapary, eske alý asy, S.Seıfýllın atyndaǵy oblystyq qazaq drama teatrynda «Qazybek bı» spektakliniń premerasy, Qazaqstan Ulttyq murajaıynyń qorynan Qaz daýysty Qazybek bıdiń shapany kórsetiletin kórmeniń ashylý saltanatyn ótkizý, 2 tomdyq kitap shyǵarý, derekti fılm, jáne fotoalbom shyǵarý josparlanyp otyr.
