Qaraǵandy oblysy qazaq kúresinen konfederatsııa kýbogyn jeńip aldy
ALMATY. QazAqparat - Almatydaǵy Balýan Sholaq atyndaǵy sport kesheninde sporttyq jekpe-jek jáne kúsh qoldanylatyn sport túrlerinen Konfederatsııa kýbogy jalǵasýda. Qazaq kúresinen Qaraǵandy oblysynyń balýandary jeńimpaz atandy, dep habarlaıdy QazAqparat Qazaqstan UOK baspasóz qyzmetine silteme jasap.
Fınalda Qaraǵandy oblysy men Almaty qalasynyń komandalary kezdesken bolatyn. Sheshýshi jekpe-jekte qaraǵandylyq balýandar 5:3 esebimen jeńiske jetti.
Qaraǵandy oblysy sapynan Dáýlet Nıetbaı, Elaman Qýanbaı, Qaırat Aǵybaev, Qaıyrǵalı Tólepbergen, Ábdiqasym Sahanov, Bekzat Ahmetbekovter qarsylastarynan basym tústi.
Qazaq kúresinen jeńimpazdar men júldegerler tizimi tómendegideı:
1. Qaraǵandy oblysy
2. Almaty qalasy
3. Astana qalasy
