Qaraǵandy oblysy Indýstrııalandyrý kartasyna qosýǵa jańa jobalar usynýda
QARAǴANDY. 23 jeltoqsan. QazAqparat /Valentına Elızarova/ - Beısenbi kúni Qaraǵandy oblystyq ákimdiginde aımaq basshysy Serik Ahmetovtyń tóraǵalyǵymen Údemeli ındýstrııalyq-ınnovatsııalyq damý jónindegi úılestirý keńesiniń májilisi ótti.
Onda Indýstrııalandyrý kartasyna qosýǵa usynylyp otyrǵan jańa ınvestıtsııalyq jobalar qaraldy.
«21 jeltoqsanda el Prezıdentine Údemeli ındýstrııalyq-ınnovatsııalyq damý baǵdarlamasynyń aıasynda júzege asyrylyp jatqan barlyq oblystyń ınvestıtsııalyq jobalary tanystyryldy. Qaraǵandy oblysynda aǵymdaǵy jyly 9 joba júzege asyryldy. Degenmen bizdiń aımaq ónerkásiptik kásiporyndar men aýyl sharýashylyǵy ónimderin óńdeý jónindegi kásiporyndardy damytýdyń úlken áleýetine ıe»,- dep atap kórsetti S.Ahmetov óz sózinde.
Oblys ákiminiń baspasóz qyzmetinen habarlaǵandaı, búgingi májilistiń qorytyndysy boıynsha aımaqtyq Indýstrııalandyrý kartasyna qosýǵa eki joba usynyldy. Olar: «QazAvıaSpektr» JShS-niń aýyl sharýashylyǵy maqsatyndaǵy ushaqtardyń serııalyq óndirisin uıymdastyrý jobasy men «Aıqyn Jol» JShS-niń gofrlanǵan metall qurylǵylar shyǵaratyn óndiris jobasy.
Oblys ákimi atalmysh jobalardy kelisý úshin Indýstrııa jáne jańa tehnologııalar mınıstrligine joldaý týraly tapsyrma berdi.
