Qaraǵandy oblysy Erkindik aýylynda karantındi toqtatý máselesi 12 shildede sheshiledi
ASTANA. QazAqparat - Turǵyndary túınemege shaldyqqan Qaraǵandy oblysy Shet aýdany Erkindik aýylynda karantındi toltatý máselesi 12 shildeden keıin sheshiledi. Bul týraly óńir basshysy Nurmuhambet Ábdibekov habarlady.
«Osyǵan deıin jarııalanǵan karantındi toqtatý úshin júrgizilgen dezınfektsııalaý jumystarynyń sapasyn zerthanalyq zertteý nátıjelerin alýymyz kerek. Saraptamalardyń nátıjesi 12 shildede belgili bolady, sodan keıin tıisti sheshim qabyldaımyz», - dedi ol QR Úkimetiniń otyrysynda.
Onyń sózine qaraǵanda, qazirgi ýaqytta veterınarlyq qyzmet qorytyndy dezınfektsııalaý jumystaryn júrgizdi, barlyq iri qaraǵa aýrýdyń aldyn alý maqsatynda qaıta ekpe jasaldy. Iesiz mysyqtar men ıtter atyldy. Dert oshaǵynda 47 adam men 13 tehnıka jumysyn jalǵastyryp jatyr. Adamdar men mal arasynda aýrýdy juqtyrýdyń jańa faktileri tirkelmedi.
20 maýsymnan emdeýde bolǵan segiz adamnyń ekeýi aýrýhanadan shyǵaryldy. Qalǵan altaýynyń jaǵdaıy turaqty, qaıta saraptama jasaý úshin synama alyndy. Tıisti nátıjeler shyqqan soń olar kelesi aptada shyǵarylady dep kútilýde.
Eske sala keteıik, osyǵan deıin Qaraǵandy oblysynda túıneme indetiniń shyǵýy saldarynan oblystaǵy AShM veterınarlyq baqylaý qurylymdarynyń basshylary jazalanǵany habarlandy.
