Qaraǵandy oblysy EKSPO-ǵa syı retinde iri kún elektr stansasy qurylysyn bastady
ASTANA. QazAqparat - Qaraǵandy oblysy Saran qalasynda búgin Ortalyq Azııadaǵy iri kún elektr stansasynyń biri bolatyn «SESSaran» JShS kún elektr stansasynyń qurylysy bastaldy. Onyń ınvestorlary - Eýropalyq Odaq ókilderi. Joba quny 140 mln eýroǵa jýyq.
«Búgin erekshe oqıǵa bolyp jatyr, biz iri kún elektr stansasy qurylysyn ashyp otyrmyz. Bul bizdiń óńirdiń EKSPO-ǵa syıy, - dedi oblys ákimi Erlan Qoshanov saltanatty sharada. - Osy jobany iske asyrýda qaraǵandy jerin tańdaǵany úshin ınvestorlarǵa, áriptesterimizge alǵys bildirgim keledi. Energııanyń jańartylǵan kózderin damytý - Memleket basshysynyń tapsyrmasy. Búgin oblysta osy mindetti iske asyrý úshin biz alǵashqy qadam jasamaqpyz».
«Aýqymdy daıyndyq jumystary jasaldy» dep atap ótti óńir basshysy. Búgin zańnamalyq jáne qarjy máseleleri sheshilip, barlyq ruqsat berý rásimderinen ótti. Kún stansasyn salýǵa 160 ga jer ýchaskesi bólindi. Tehnıkalyq negizdemesi ázirlendi, saraptama qorytyndysy bar. «KEGOC» AQ-men qýat berý shemasy ázirlenip, kelisildi, tehnıkalyq qosý sharty alyndy.
«Investorlarymyzdyń joly uzaq ári kúrdeli. Buǵan bes jyldan artyq ýaqyt jumsaldy. Jumys Ortalyq Azııadaǵy iri kún elektr stansasy iske qosylǵanda aıaqtalady», - dep atap ótti ol.
«Jobany iske asyrý úshin barlyq negizgi máseleler sátti sheshildi. Búgin biz qurylysy 2018 jyly aıaqtalatyn kún elektr stansasyn salýdy bastaımyz. Bul elektr stansasy qazaqstandyqtardyń ómir sapasyn arttyrýǵa yqpal etetinine senimdimiz. Birinshiden, bul «jasyl» tehnologııa jáne qorshaǵan ortanyń lastanýyn azaıtý. Ekinshiden, jańa jumys oryndaryn qurý», - dedi bas ınvestor ıAn Zonnenshaın.
Bólingen alańda 3700-den astam kún paneli ornalastyrylady. Elektr energııasyn jyldyq óńdeýi saǵatyna 145 mln kVt-ty quraıdy. Stansa qýaty - 100 MVt. Salystyrmaly túrde, Saran qalasy budan 10 esege tómen tutynady.
