Qaraǵandy oblysy egin jınaýdy 10 qazanǵa deıin aıaqtamaq
QARAǴANDY. QazAqparat – Qaraǵandy oblysynyń sharýalary egin jınaýdy 10qazanǵa deıin aıaqtaýdy josparlap otyr. Búgingi kúni dándi daqyldardyń 90% jınaldy, dep habarlaıdy QazAqparat tilshisi.
Bıyl Qaraǵandy oblysynda aýyl sharýashylyq daqyldarynyń egis alqaby 40 myń gektarǵa ulǵaıtyldy. Aımaq agrarshylary jaqsy egin jınaıtyndaryn atap ótti.
«Aýa raıy qolaıly bolǵan jaǵdaıda astyq jınaýdy 25 qyrkúıekke deıin aıaqtaý josparlanýda. Búgingi tańda 157 myń tonnadan astam kartop pen 19 myń tonna kókónis jınaldy. Kartopty jınaýdy 1 qazanǵa deıin, kókónisterdi – 10 qazanǵa deıin aıaqtaımyz», – dep habarlady Aýyl sharýashylyǵy basqarmasynyń basshysy Asqar Sanaýbarov Óńirlik kommýnıkatsııalar qyzmeti platformasynda ótken onlaın-brıfıngte.
Sondaı-aq, oblysta 2 myń tonnadan astam shóp, 24 myń tonna pishendeme, 17 myń tonna súrlem jáne 120 myń tonna saban daıyndaldy.
