Qaraǵandy oblysy COVID-19 yqtımal ekinshi tolqynyna daıyndalýda
QARAǴANDY. QazAqparat - Qaraǵandy oblysynda dárilerdiń turaqtandyrý qory qurylyp, jańa ınfektsııalyq gospıtal salynyp, ÓJJ apparattary satyp alynýda. Osylaısha aımaqta koronavırýstyq ınfektsııanyń ekinshi tolqynyna daıyndyq júrip jatyr. Bul týraly Densaýlyq saqtaý basqarmasy basshysynyń orynbasary Gamal Toqsambaev málim etti, dep habarlaıdy QazAqparat tilshisi.
Qaraǵandy oblysynda COVID-19 ekinshi tolqynyna daıyndyq jospary osy jyldyń shilde aıynda bekitildi. Ol bes baǵytty qamtıdy. Olardyń biri - medıtsınalyq ınfraqurylymdy damytý.
- Oblysta 44 ınfektsııalyq gospıtal bar. Onyń 36-sy qazir konservatsııalanǵan jáne kútý rejıminde. Olar naýqastardy qajet bolǵan kezde birden qabyldaýǵa daıyn bolady. Sondaı-aq, biz gospıtal retinde jumys qyzmet ete alatyn bes medıtsınalyq uıymda jóndeý jumystaryn júrgizemiz. Qazir Jezqazǵanda modýldi gospıtal salynýda. Ony 21 qazanǵa deıin ashý josparlanýda, - deıdi Gamal Toqsambaev.
Jospardyń ekinshi baǵyty – kadrlyq qamtamasyz etý. Óńirde aýrýdyń qaıta órshýi jaǵdaıynda 5 217 ınfektsııalyq tósek jabdyqtaý josparlanýda. Barlyq naýqastarǵa kóńil bólý úshin kóptegen dárigerler men medbıkeler qajet bolady. Olardy medıtsınalyq oqý ordasynda rezıdentýranyń ekinshi jáne úshinshi kýrsynda bilim alyp jatqandar qatarynan jumyldyrý kózdelýde. Olardyń barlyǵynyń dıplomdary bar, qazir reanımatolog, pýlmonolog jáne basqa da salaly mamandyqtardy meńgerýde.
Sondaı-aq, oblys ortalyǵynyń mamandary oblystyń shalǵaı aýdandaryna vahta boıynsha jiberiletin bolady. Jergilikti jerlerde barlyǵyna ýaqytsha baspana beriledi.
Qazir dárigerler men medbıkeler koronavırýstyq ınfektsııany emdeýge tap bolǵan áriptesteriniń tájirıbesine súıene otyryp, qarqyndy oqytýdan ótýde.
- Daıyndyqtyń jeke baǵyty – bizdiń medıtsınalyq mekemelerdi materıaldyq-tehnıkalyq jabdyqtaý. Respýblıkalyq bıýdjet esebinen biz qazirgi bar 192 ÓJJ apparatqa qosymsha taǵy 151-in satyp aldyq. Sonymen qatar, aýrýhanalardy ımpýlstik oksımetrlermen, ottegi kontsentratorlarymen, sandyq rentgen apparattarymen jabdyqtaımyz. Buǵan qosa avtobýs negizilde jasalǵan 60 reanımobıl men úsh jyljymaly medıtsınalyq keshen jetkiziledi dep kútilýde. Olar rentgen apparatymen, ÝDZ jáne basqa da jabdyqtarmen jabdyqtalǵan. Mundaı keshender shalǵaı aýdandarǵa baryp, onda konsýltatıvtik kómek kórsetý úshin qajet, - deıdi basqarma basshysynyń orynbasary.
Dárihanalar men statsıonarlarda dári-dármek tapshylyǵyn boldyrmaý úshin qazir óńirde turaqtandyrý qory qalyptastyrylýda. Búgingi tańda onda aldaǵy bir jarym aıǵa jeterlik dári-dármek qory bar. «Farmatsııa» SK-men dári-dármekterdi qosymsha jetkizýge sharttar jasaldy.
Gamal Toqsambaevtyń aıtýynsha, 2021 jyldyń naýryzyna deıin jetetin dári-dármek qoryn qalyptastyrý josparlanyp otyr.
Oblystyń aýrýhanalary men qoımalaryna jeke qorǵanys quraldary úzdiksiz kelip túsedi: medıtsınalyq maskalar, respıratorlar, qolǵaptar jáne PChK kostıýmderi.
Qazir óńirde kún saıyn eń kóp degende 10 KVI-men aýyratyn naýqastar anyqtalýda. Olardyń barlyǵy vırýstyń asımptomatıkalyq tasymaldaýshylary.
