Qaraǵandy oblysy COVID-19-ǵa qarsy 3 aılyq dári-dármek qorymen qamtamasyz etildi

NUR-SULTAN. QazAqparat - Qaraǵandy oblysy koronavırýs indetine qarsy kúresý úshin 3 aılyq dári-dármekpen qamtamasyz etildi. Bul týraly óńir basshysy Jeńis Qasymbek málim etti, dep habarlaıdy QazAqparat tilshisi.

«Oblysta KVI-di anyqtaýǵa arnalǵan testileý kólemi ulǵaıdy. Jalpy óńirde qýattylyǵy táýligine 10 myń zertteýge deıin jasaı alatyn 8 PTR zerthana jumys isteıdi. Sol sııaqty 3 aılyq dári-dármek qorymen qamtamasyz etilip, aýrýhanalarda jaraqtandyrý jumysy kúsheıtildi. Jarty jyl ishinde oblysta aýrýhanalar, shıpajaılar men jataqhanalar bazasynda 47 gospıtal ashyldy. Qazirgi ýaqytta olardyń 17-si jumys isteıdi, qalǵandary ýaqytsha jabyq. Sonymen qatar jeltoqsan aıynda KVI-den emdeýge arnalǵan tósek-oryn sany 5 200-ge deıin artady. Qazirgi ýaqytta tósek-oryndy qoldaný 4%-dan aspaıdy, - dedi Jeńis Qasymbek OKQ-de onlaın ótken baspasóz máslıhatynda.

Onyń aıtýynsha, bıyl oblysta 49 densaýlyq saqtaý nysany jóndeýden ótti.

»Búginde Temirtaý, Shahtınsk, Balqash jáne Abaı qalalaryndaǵy ınfektsııalyq aýrýhanalar men bólimsheler jóndeýden ótti. Jáne Jezqazǵanda 200 oryndyq modýldi gospıtal salyndy. Odan bólek, oblysta alǵashqy medıtsınalyq kómekti kúsheıtýge de basa nazar aýdarylýda. Ol úshin 288 mobıldi emhanalyq brıgada quryldy. Sol sekildi shalǵaı eldi mekenderde 9 jyljymaly medıtsınalyq keshen jumys isteýde«, - deıdi ol.