Qaraǵandy oblysy boıynsha Ekonomıkalyq tergeý departamentiniń basshysy taǵaıyndaldy
«QR Premer-Mınıstriniń birinshi orynbasary - Qazaqstan Respýblıkasy Qarjy mınıstriniń buıryǵymen Qazaqstan Respýblıkasy Prezıdentiniń janyndaǵy Quqyq qorǵaý organdaryndaǵy kadr saıasaty máseleleri jónindegi komıssııanyń jáne Qazaqstan Respýblıkasy Premer-Mınıstriniń kelisimi boıynsha 2019 jylǵy 13 maýsymda Qaraǵandy oblysy boıynsha Ekonomıkalyq tergeý departamentiniń basshysy bolyp Danııar Meıramuly Aqjanov taǵaıyndaldy»,- delingen taratylǵan baspasóz habarlamasynda.
Danııar Aqjanov 1974 jyly 5 qazanda Qaraǵandy oblysynda dúnıege kelgen. E.A. Bóketov atyndaǵy Qaraǵandy memlekettik ýnıversıtetin, Reseı keden akademııasyn bitirgen.
Eńbek joly: 1997 jyldan 2014 jylǵa deıin QR Qarjy mınıstrligi Kedendik baqylaý komıtetiniń ár túrli laýazymdarynda, onyń ishinde basshylyq laýazymdarda bolǵan.
Astana qalasy boıynsha Kedendik baqylaý departamenti ótkizý pýnktteriniń aımaqtyq monıtorıng basqarmasynyń bastyǵy, «Dostyq»kedeni bastyǵynyń orynbasary, Almaty oblysy boıynsha Kedendik baqylaý departamenti Kontrabandaǵa qarsy kúres basqarmasynyń bastyǵy.
2014 jyldan bastap 2019 jylǵa deıin QR Qarjy mınıstrligi Memlekettik kirister komıtetiniń Memlekettik kirister organdaryndaǵy qyzmet, onyń ishinde basshylyq laýazymdarda: Astana qalasy boıynsha Memlekettik kirister departamentiniń Salyq jáne keden salalaryndaǵy quqyq buzýshylyqtardy tergeý basqarmasy keden salasyndaǵy quqyq buzýshylyqtardy tergeý bóliminiń basshysy, Astana qalasy boıynsha Memlekettik kirister departamentiniń kóleńkeli ekonomıkaǵa qarsy is-qımyl basqarmasynyń basshysy bolǵan.
2019 jyldyń naýryzynan bastap QR Qarjy mınıstrligi Qarjy monıtorıngi komıtetiniń quzyrly organdarynda, dálirek aıtsaq, 3-shi jedel-izdestirý qyzmeti departamentiniń basqarma basshysy qyzmetinde bolǵan.
