Qaraǵandy oblysy bas sanıtarlyq dárigeriniń jańa qaýlysy shyqty

QARAǴANDY. QazAqparat - Koronavırýs ınfektsııasy boıynsha epıdemıologııalyq jaǵdaıdyń turaqtanýyn eskere otyryp, Qaraǵandy oblysynyń Bas memlekettik sanıtarııalyq dárigeriniń orynbasary jańa qaýly shyǵardy, dep habarlaıdy QazAqparat tilshisi.

Jańa qaýlyǵa saı, kelesi shekteýlerdiń kúshin joıý týraly sheshim qabyldandy:

- medıtsınalyq uıymdardy (qyzmetkerler, patsıentter, kelýshiler) qospaǵanda, betperde kııý mindetti bolyp tabylatyn úı-jaılarda betperde kııýdi, sondaı-aq, halyq kóp jınalatyn, qoǵamdyq oryndarda jáne áýe kólikterinde, uıymdasqan ujymdarda medıtsınalyq maskalardy paıdalanýdyń usynymdyq sıpaty saqtalady.

Budan basqa, «Komırnatı» (Pfizer kompanııasy óndirgen) vaktsınatsııalaýǵa jatatyn tulǵalar kontıngenti keńeıtildi, ol mynadaı sanattarmen tolyqtyrylady:

- bastapqy vaktsınatsııany alatyn, osy vaktsınamen profılaktıkalyq egýdi alǵysy keletin adamdar;

- ártúrli sebepter boıynsha shetelge shyǵý úshin qaıta vaktsınatsııa alatyn adamdar;

- shetelde bastalǵan vaktsınatsııa kýrsyn aıaqtaıtyn tulǵalar;

- COVID-19-ǵa qarsy revaktsınatsııa alǵan halyqtyń barlyq toptary.

Barlyq menshik nysanyndaǵy jáne vedomstvolyq baǵynystaǵy bilim berý uıymdarynda kelesi talaptar:

- kabınettik oqytý júıesin saqtaý;

- maska rejımin mindetti túrde saqtaý alynyp tastaldy.

Betperde rejımin saqtaý bilim berý uıymdary ákimshiliginiń sheshimi boıynsha erikti túrde júzege asyrylýy múmkin.

Epıdemıologııalyq jaǵdaıdy baǵalaý matrıtsasyna sáıkes óńir «qyzyl» aımaqqa aýysqan kezde barlyq menshik nysanyndaǵy jáne vedomstvolyq bilim berý uıymdarynda zerthanalyq, praktıkalyq sabaqtardy qospaǵanda, betperde rejımi jáne oqytýdyń kabınettik júıesin joıý qamtamasyz etiledi.

Qaýly qol qoıylǵan kezinen bastap kúshine enedi.