Qaraǵandy oblysy Astanaǵa 800 tonna aýyl sharýashylyǵy ónimin alyp keldi
ASTANA. 6 qazan. QazAqparat - Kúz mezgili bastalǵaly óńirler ár apta saıyn elordaǵa azyq-túlik ónimderin tasymaldap jatyr.
Búgin Astana qalasynyń ortalyq alańynda Qaraǵandy oblysynyń ókilderi jármeńke ótkizýde. Ár aýdan óziniń qolóner buıymdaryn, sút jáne et ónimderin, jemis-jıdekterin alyp keldi.
Astana ákimdiginiń málimetinshe, jármeńkege Qaraǵandy oblysynyń aýyl sharýashylyǵymen aınalysatatyn barlyq aýdandary jáne Qaraǵandy, Temirtaý, Saran, Shahtınsk jáne Balqash qalalarynyń qaıta óńdeý kásiporyndary qatysyp otyr. Qonaqtarǵa arnalǵan 3 kıiz úı, saýda jasaıtyn 85 shatyr tigilgen.
Jármeńke aıasynda qymyz jáne baýyrsaq festıvali de jurtshylyq nazaryna usynylǵan. Sonymen qatar, alańda ólketaný murajaıynyń dúnıeleri men qolóner sheberleri zattarynyń kórmesi bolyp jatyr.
