Qaraǵandy oblysy alǵash ret kúzdik bıdaıdy shetelge eksporttady
QARAǴANDY. QazAqparat - Qaraǵandy oblysynyń Osakarov aýdanynda alǵash ret kúzdik bıdaı jınaldy. Aımaqtyń aldyńǵy qatarly sharýashylyqtarynyń biri – «Naıdorovskoe» JShS alǵashqylardyń biri boldy. Sonymen qatar, kásiporyn salystyrmaly túrde jańa trıtıkale - qara bıdaı men qatty bıdaı gıbrıdin ósiredi. Bıylǵy jyldyń ónimi eksportqa ketti, dep habarlaıdy QazAqparat óńir basshysynyń resmı saıtyna silteme jasap.
- Biz trıtıkaleni úshinshi jyl sebemiz. Kúzdik daqyl ózin jaqsy jaǵynan kórsetti. Bıylǵy jyly kúzdik daqylǵa 750 ga jer bólindi. Jerdiń bir bóligin bıdaıdyń eki surypy – «Grom» men «Brıgada» egildi. Bul reseılik selektsııa, - dedi «Naıdorovskoe» JShS dırektory Pavel Lýşak. - Kúzdik daqyldardy jınaý 20 shildede bastaldy. 2 tamyzda alǵashqy 700 tonna trıtıkale Tájikstanǵa jóneltildi. 70 tonnadan 10 vagon túsirildi. Ónimdi jergilikti qus fabrıkalary da satyp aldy.
Jazǵy qurǵaqshylyqqa qaramastan, kúzdik bıdaı gektaryna 25 tsentner deńgeıinde ónim berdi. Kásiporyn bul baǵytty damytýdy jón kórdi. Sharýashylyq basshysynyń aıtýynsha, kúzdik alqaptar 1 350 gektarǵa deıin ulǵaıtylady. Bul jalpy astyq tanabynyń 10% - ǵa jýyǵyn quraıdy.
«Naıdorovskoe» JShS zamanaýı tehnologııalarǵa basa kóńil bóledi jáne dándi daqyldardyń jańa suryptaryn synǵa alyp jatyr.
- Bizde jańa tehnologııalardy engizýdiń basqa joly joq. Óıtkeni, aýa-raıy qatal, al egistik nashar. Sondyqtan jaqsy tuqymdarsyz, agrotehnologııalardy saqtamaı jáne tyńaıtqyshtardy engizbesten damý múmkin bolmaıdy, - dedi Pavel Lýşak. - Bizge otandyq selektsıonerlerdiń kómegi qajet. Qazir biz ózimizdiń alqaptarymyzda sheteldik selektsııany synaqtan ótikizip jatyrmyz. Bul úlken shyǵyndar men táýekelder.
