Qaraǵandy oblysy Aqtaý kentiniń aýrýhanasynda tsıfrlyq rentgen apparaty paıda boldy
QARAǴANDY. QazAqparat – Aqtaý kentiniń aýrýhanasynda qazir tsıfrlyq rentgen apparaty jumys isteıdi. Eń jańa zamanaýı jabdyqtar Aqtaýdyń múmkindigi shekteýli naýqastaryna zertteý júrgizýge múmkindik beredi, dep habarlaıdy QazAqparat tilshisi.
Tekserýden ótý úshin turǵyndar jergilikti emhanaǵa júgine alady.
«Onda sýretter bronhıt, pnevmonııa, hondroz, artroz sııaqty aýrýlar úshin jasalady. Munda biz sýretter túsiremiz, sodan keıin faks arqyly tórtinshi emhanaǵa jiberemiz. Onda rentgenologtar óz qorytyndylaryn beredi jáne ony bizge elektrondyq poshtaǵa jiberedi», - dep túsindiredi Temirtaý qalasynyń №4 emhanasynyń №5 OKZ meńgerýshisi Tańsholpan Ermahanbetova.
Qurylǵy boljamdy aýrýdy dálirek anyqtaýǵa kómektesedi. Onyń kómegimen naýqasty turǵan, otyrǵan nemese jatqan jaǵdaıynda tekserýge bolady.
Patsıentte koronavırýstyq ınfektsııa anyqtalǵan jaǵdaıda ony kompıýterlik tomografııadan ótý úshin Temirtaýǵa jiberedi. Ol juqpaly aýrýlar aýrýhanasynda em alady.
