Qaraǵandy oblysy: 6 qaladaǵy HQKO 1 sáýirden kelýshilerdi aldyn ala jazylý boıynsha qabyldaıdy

QARAǴANDY. QazAqparat – Qaraǵandy oblysynda alty qalada ornalasqan Halyqqa qyzmet kórsetý ortalyqtary 1 sáýirden bastap kelýshilerdi tek aldyn ala kezekti brondaǵan jaǵdaıda ǵana qabyldaıdy. Bul óńirde epıdemıologııalyq jaǵdaıdyń ýshyǵýyna baılanysty qabyldanǵan shara, dep habarlaıdy QazAqparat tilshisi.

Qaraǵandy oblysynyń Bas sanıtarlyq dárigeriniń qaýlysyna sáıkes, 1 sáýirden bastap Qaraǵandy, Temirtaý, Shahtınsk, Jezqazǵan, Sátbaev jáne Balqash qalalaryndaǵy HQKO qyzmet alýshylardy tek kezekti aldyn ala brondaǵan jaǵdaıda ǵana qabyldaıtyn bolady.

HQKO-ǵa kezekti 1414 call-ortalyǵy, egov.kz Elektrondyq úkimet portaly, eGovmobile qosymshasy nemese EgovKzbot2.0 (@kenes1414bot) telegram-boty arqyly brondaýǵa bolady.