Qaraǵandy oblystyq sotynyń apellıatsııalyq alqasy adam ólimine soqtyrǵan jol apatyna sebepshi burynǵy sheneýnikti qamaýda qaldyrdy
QARAǴANDY. 1 naýryz. QazAqparat - Qaraǵandy oblystyq sotynyń apellıatsııalyq alqasy adam ólimine soqtyrǵan jol-kólik apatyna sebepshi oblystyq energetıka jáne TKSh basqarmasynyń burynǵy basshysy Erlan Óteshevti qamaýǵa alý jónindegi qaýlyny kúshinde qaldyrdy,
dep habarlady QazAqparat tilshisi.
«Qaraǵandynyń Qazybek bı atyndaǵy aýdandyq sotynyń 2012 jylǵy 20 aqpanynda E. Óteshevti qamaýǵa alý jóninde shyǵarǵan qaýlysy ózgertilmeı qaldyrylady, qorǵaýshynyń shaǵymy qanaǵatattandyrylǵan joq», - dep jarııa etti qaýlyny Qaraǵandy oblystyq soty apellıatsııalyq alqasynyń sýdıasy Jumabaı Ábishev.
E. Óteshevtiń qorǵaýshysy Bolat Baıbaqov aıyptalýshyny úıqamaqqa bosatýdy surady. Buǵan jábirlenýshi taraptyń qorǵaýshysy men prokýror qarsylyq bildirdi.
Esterińizge sala keteıik, 16 aqpanǵa qaraǵan túni Qaraǵandyda jol-kólik oqıǵasy oryn aldy, onyń saldarynan 52 jastaǵy áıel qaza taýyp, úsh adam zardap shekti. Gogol jáne Gýdermes kósheleriniń qıylysynda joldyń qarsy baǵytyna shyǵyp ketken BMW avtokóliginiń júrgizýshisi Toyota Corolla jáne Opel kólikterimen soqtyǵysty. BMW kóligin oblystyq energetıka jáne TKSh basqarmasynyń bastyǵy 41 jastaǵy Erlan Óteshev basqardy. Al úsh kóliktiń júrgizýshileri aýrýhanaǵa jetkizilgen edi. Dárigerlerdiń aqparatynsha, E.Óteshevke bas mıynyń shaıqalýy dıagnozy qoıyldy.
2013 jyldyń 19 aqpanynda E.Óteshevke qatysty QR QPK-niń 132 babynyń tártibindegi kúdikti retinde ustaý hattamasy toltyryldy. Onyń palatasynyń qasynda kúzet qoıyldy.
20 aqpanda oǵan aıyp taǵylyp, sol kúni Qaraǵandynyń Qazybek bı atyndaǵy aýdandyq sotymen qamaýǵa alý bultartpaý sharasyna sanktsııa berildi. Alaıda aıypker densaýlyq jaǵdaıy boıynsha aýrýhanada emdelýdi jalǵastyrdy.
