Qaraǵandy oblystyq máslıhatynyń quramy 60 paıyzdan astam jańardy

QARAǴANDY. QazAqparat – Qaraǵandyda oblystyq máslıhattyń VII shaqyrylymynyń birinshi sessııasy ótti. Jańa quramǵa 38 depýtat – tórt partııanyń ókilderi kirdi. Saılaý nátıjesi boıynsha 29 mandatty Nur Otan partııasy, úsh mandattan – «Aýyl», «Aq jol» jáne Qazaqstannyń Halyq partııasy aldy, dep habarlaıdy QazAqparat tilshisi.

«Bul saılaý kúrdeli boldy, óıtkeni tórt deńgeıli. Májilis, oblystyq qalalyq jáne aýdandyq máslıhattar depýtattaryn saılady. Barlyq uıymdastyrýshylyq máseleler jaqsy deńgeıde sheshildi. Sanıtarlyq talaptarǵa sáıkes qajetti

materıaldyq-tehnıkalyq baza qamtamasyz etilgen. Barlyq 778 saılaý ýchaskesinde saılaý ótti. Komıssııanyń 5 myńnan astam múshesi jumys istedi.

Saılaý barysyn 5 myńnan astam táýelsiz baıqaýshy baqylady. Shetelden segiz adam keldi, olardyń ekeýi - uzaq merzimdi. Zań buzýshylyqqa shaǵym túsken joq», - dep habarlady oblystyq saılaý komıssııasynyń tóraǵasy Erqara Aımaǵambetov.

Oblysta 920,4 myń saılaýshy tirkelgen. Saılaýǵa qatysý shamamen 71% qurady.

Oblystyq máslıhattyń quramy 60%-dan asa jańartyldy. Depýtattar arasynda áıelder men jastar kóp. Tańdalǵandardyń jasy 30-dan 70 jasqa deıin.

Birinshi sessııada depýtattar oblystyq máslıhattyń hatshysyn saılady. Serik Óteshov óz laýazymyn saqtap qaldy.

Sondaı-aq, bes turaqty komıssııanyń quramy saılandy: bıýdjet jáne jergilikti basqarý men ózin-ózi basqarýdy damytý boıynsha; áleýmettik-mádenı damý jáne halyqty áleýmettik qorǵaý boıynsha; ónerkásip, shaǵyn jáne orta bıznesti damytý, agrarlyq jáne jer máseleleri boıynsha; qurylys, kólik jáne kommýnaldyq sharýashylyq jáne ekologııa boıynsha; depýtattyq ókilettik, etıka, zańdylyq pen quqyq tártibi máseleleri boıynsha.

Nur Otan partııasynyń oblystyq máslıhatynyń depýtattyq fraktsııasy tirkeldi.

«Alǵash ret Parlament Májilisi men barlyq deńgeıdegi máslıhat depýtattyǵyna saılaý partııalyq tizimderdi usyný boıynsha, sondaı-aq áıelder men jastar úshin partııalyq tizimderde 30 paıyzdyq kvotany saqtaı otyryp ótti. Oblystyq máslıhattyń jańa quramy tórt partııadan turady. Saıası kózqarastardyń ártúrliligine qaramastan, sizder eń aldymen ádildik pen adaldyqqa negizdele otyryp, bizdiń oblysymyzdyń ıgiligi úshin jalpy saralanǵan sheshimder qabyldaýlaryńyz kerek. Jalpy, depýtattyq korpýsty túrli mamandyqtaǵy adamdar qalyptastyrdy. Sizderdiń aralaryńyzda dárigerler, muǵalimder, fermerler, kásipkerler bar. Saılaý aldyndaǵy kúreste sizder oblystaǵy jaǵdaıdy muqııat zerttedińizder, bizdiń barlyq problemalarymyz ben artyqshylyqtarymyzdy bilesizder. Memleket basshysy alǵa qoıǵan maqsattar

men mindetterge qol jetkizý úshin birge syndarly jumys isteımiz dep senemin», - dedi oblys ákimi Jeńis Qasymbek jańadan saılanǵan depýtattarǵa.

Kelesi, ekinshi sessııanyń kún tártibi bekitildi. Depýtattar aldyńǵy shaqyrylym máslıhat sheshimderiniń oryndalýy men óńirdegi jastar saıasatynyń iske asyrylýyn talqylaıdy.