Qaraǵandy oblystyq ІІD polıtseılik avtomobıldiń qatysýymen bolǵan jol-kólik apatyna qatysty málimdeme jasady
QARAǴANDY. QazAqparat - Qaraǵandy oblystyq ІІD baspasóz qyzmeti Qaraǵandy ortalyǵynda Jańa jyl qarsańynda oryn alǵan jol-kólik apaty týraly aqparat taratty.
Tórt kóliktiń, onyń ishinde polıtsııanyń arnaıy mashınasynyń qatysýymen bolǵan oqıǵa áleýmettik jelilerde qyzý talqylanýda.
«31 jeltoqsanda keshke Qaraǵandynyń Buqar jyraý dańǵylynda «Mersedes-Bentstiń» 26 jastaǵy júrgizýshisi Olımpııskaıa kóshesi baǵytyna qaraı júrip kele jatqanda qarsy jolaqqa shyǵyp, «KIA CERATO» patrýl kóligimen soqtyǵysqan. Odan keıin «Mersedes Bents» kóligi «VAZ-21014» kóligin janap ótken. Al patrýl avtomobıli «Lada Granta»-ny soqqan», - dedi oblystyq ІІD baspasóz qyzmetinen.
Polıtsııa aqparatynsha, «Mersedes» júrgizýshisi kólik júrgizý quqyǵynan aıyrylǵanymen róldi basqarýǵa otyrǵan.
«Apat saldarynan «Mersedes Bents» kóliginiń 28 jastaǵy jolaýshysy túrli jaraqattarmen aýrýhanaǵa jetkizildi. Patrýldik kóliktiń júrgizýshisi men jolaýshysyna medıtsınalyq kómek kórsetildi. Jol-kólik apaty bolǵan kezde jol-patrýl polıtsııasynyń qyzmetkerleri qyzmette bolǵan», - dedi oblystyq ІІD baspasóz qyzmetinde.
Oqıǵanyń anyq-qanyǵy anyqtalýda. «Qylmystyq is qozǵalý máselesi qarastyrylýda», - dep qosty baspasóz qyzmetinde.
