Qaraǵandy murajaıynda sýretshi Raıymqul Esirkeevtiń kórmesi ashyldy

QARAǴANDY. QazAqparat – Qaraǵandy oblystyq beıneleý óneri murajaıynda QazKSRO eńbek sińirgen óner qaıratkeri Raıymqul Esirkeevtiń 100 jyldyǵyna arnalǵan kórme ótýde. Ol eńbek adamyna degen adaldyq pen qurmetke toly jerlesteriniń kóptegen portretterimen tanymal, dep habarlaıdy QazAqparat tilshisi.

«Qazaqstan Táýelsizdiginiń 30 jyldyǵynda Raıymbek aǵanyń týǵanyna 100 jyl tolýyna arnalǵan bul kórme – onyń shyǵarmashylyǵyn baǵalaý tásili. Sýretshiniń talanty óshpeıdi, sebebi ol ákesinen uldary men nemerelerine berilip, olardyń shyǵarmalarynda jalǵasyn tabýda. Esirkeevter otbasy – shyǵarmashylyq áýlet», – dep atap ótti kórmeniń ashylýynda ólketanýshy Tuńǵyshbaı Muqan.

Kórmege 50-ge jýyq jumys kiredi, olardyń 20-sy sýretshiniń jeke sheberhanasynan alynǵan dúnıeler. Olardy Raıymqul Esirkeevtiń uly Meıram usynyp otyr.

«Atam negizinen portret janrynda jáne realızm stılinde sýret salǵan. Ádette, ol natýraǵa qarap otyryp beıneni qaǵaz betine túsirgen. Ol úshin keıipkerlerine uqsas adamdardy izdegen. Mysaly, Álııa Moldaǵulovanyń portreti týraly aıtatyn bolsaq, ol oǵan uqsas qyzdy taýyp, aǵashtan qarý jasap, al ájem keıipkerge kıim tikken. Osylaısha UOS-da aty ańyzǵa aınalǵan mergenniń obrazy jasaldy. Meniń ákem Meıramnyń sheberhanasynda atamnyń 50-ge jýyq jumysy saqtalǵan. Olardyń ishinde aıaqtalǵan úlken kartınalar da, eskızder de bar», – dedi sýretshiniń nemeresi Ámen Esirkeev.

Raıymqul Esirkeev – sýretshi-keskindemeshi, Uly Otan soǵysynyń ardageri, Sýretshiler odaǵynyń Qaraǵandy oblystyq uıymyn qurýshylardyń biri. Ol negizinen peızaj jáne portret sııaqty janrlarda jumys istegen. 1921 jyly Qaraǵandy oblysy Aqtoǵaı aýdanynda dúnıege kelgen. 1980 jyly sýretshi dúnıeden ozdy.

Kórme 20 qyrkúıekke deıin jalǵasady.