Qaraǵandy men Temirtaýdyń jylytý beketteri qaıda ekenin kartadan kórýge bolady
Qystygúni ártúrli qolaısyz aýa raıy jaǵdaıynda (boran, burqasyn, tuman) avtomobıl joldary qaýipti.
Sondyqtan avtojoldardyń keıbir ýchaskelerin jabý nemese onda qozǵalysqa shekteý engizý qajettigi jıi týyndaıdy.
Júrgizýshiler men jolaýshylar qys mezgilinde birneshe saǵatqa kepteliske túsip qalýy múmkin.
«Osyǵan baılanysty jazataıym oqıǵalardyń aldyn alý, júrgizýshiler men jolaýshylardyń ýaqytsha ornalastyrý jáne jylytý oryndaryn izdestirý protsesin jeńildetý maqsatynda Qaraǵandy oblysynyń TJ departamenti «2GIS anyqtama – Karaǵandy» JShS-men birlesip, anyqtamalyqqa halyqty ýaqytsha ornalastyrý jáne jylytý oryndary týraly derekterdi engizdi», - dep málimdedi Qaraǵandy oblysy TJD azamattyq qorǵaý basqarmasy.
Sondaı-aq, azamattyq qorǵaýdyń aýmaqtyq bólimsheleri halyqty ýaqytsha ornalastyrý jáne jylytý oryndarynyń menshik ıeleri ne muqtaj jandarǵa qajetti jaǵdaıdy uıymdastyrý, olarǵa júgingenderdi jylýmen, ystyq shaımen qamtamasyz etý, demalys ornyn usyný qajettigi týraly usynyshat joldady.
Qajet bolǵan jaǵdaıda medıtsınalyq kómek kórsetiledi.
Qazirgi ýaqytta kartada Qaraǵandy jáne Temirtaý qalalarynyń 54 jylytý pýnkti boıynsha derekter kórsetilgen.
Siz izdeý baǵanynda «jınaý jáne ýaqytsha ornalastyrý...» degen sózderdi terý arqyly jylytý pýnkterin taba alasyz.
