Qaraǵandy men Temirtaýdy jalǵaıtyn jol qazan aıynda tolyq paıdalanýǵa beriledi
QARAǴANDY. QazAqparat - «Qaraǵandy -Temirtaý» avtojolyn jóndeý jumystary 2019 jyldyń qazan aıynda aıaqtalady, dep habarlaıdy QazAqparat «QazAvtoJol» kompanııasyna silteme jasap.
Kompanııanyń habarlaýynsha, 2019 jyly jol jóndeýshiler uzyndyǵy 15 km «Qaraǵandy-Temirtaý» avtojolynyń 1 444-1 457 km ýchaskesin aıaqtaýy tıis. Bas merdiger - «SeıSer» JShS.
«Qazir nysanda qıyrshyq-qum-tsement qospasynan jasalǵan negizgi qabatty ornatý, sý ótkizý qubyrlaryn montajdaý jáne jer tósemin salý jumystary júrgizilip jatyr. Sonymen qatar, mamandar joldyń sol jaǵyn keńeıtý úshin tsement-beton jabyndysyn tóseýge kiristi», delingen habarlamada.
Aıta keterligi, «Qaraǵandy-Temirtaý» avtomobıl jolyn jańartý jumystaryn bıyl qazan aıynda tolyq aıaqtaý josparlanyp otyr.
