Qaraǵandy men Temirtaýdaǵy sýıtsıdke destrýktıvti oıyndardyń qatysy tekserilýde
ASTANA. QazAqparat - Temirtaý men Qaraǵandydaǵy balalar sýıtsıdinen keıin oblystyq bilim basqarmasy ata-analardy saq bolýǵa shaqyrdy, dep habarlaıdy «QazAqparat» HAA tilshisi.
«Qaraǵandy men Temirtaýdaǵy sońǵy eki oqıǵa oblystyq bilim basqarmasyn ata-analarǵa balalardyń uıaly telefondaryn, kimdermen sóılesip júrgenin, tipti jazǵan hattaryn tekserýge shaqyrýǵa májbúr etti. Osyǵan baılanysty qazir jaýapty oryndar balalar sýıtsıdine destrýktıvti oıyndardyń qatysyn tekserip jatyr»,-dep habarlaıdy baspasóz qyzmeti.
Bilim basqarmasy ata-analarǵa balalarynyń sýretterine, áleýmettik jelidegi jazbalaryna, dostaryna jáne uıaly telefondaǵy hattarǵa nazar aýdarý jóninde keńes beredi.
Eske sala keteıik, 3 jeltoqsan kúni Qaraǵandydaǵy №23 mekteptiń oqýshysy ózine qol salǵan. 8 jeltoqsan kúni 10 jastaǵy oqýshy da dál osylaı kóz jumdy.
Polıtsııa atalǵan oqıǵalarǵa baılanysty tekserý jumystaryn júrgizip jatyr.
