Qaraǵandy men Temirtaýda kúshtik qurylymdardyń jappaı oqý-jattyǵýy bastaldy
QARAǴANDY. QazAqparat - Sársenbi, 22 qarashada Qaraǵandy men Temirtaýda iri nysandar qorshaýǵa alynyp, kósheler jabylyp, jappaı oqý-jattyǵý bastaldy, dep habarlaıdy «QazAqparat» HAA tilshisi.
Qaraǵandy oblystyq terrorızmge qarsy kúres jónindegi jedel shtaby baspasóz qyzmetiniń aqparaty boıynsha, kúrdeli oqý-jattyǵý áreketteri Temirtaýdaǵy «Metallýrg» stadıony men Qaraǵandydaǵy Temirjolshylar mádenıet úıinde ótedi.
Jedel toptar adamdardyń kóp jınalatyn oryndarynda terrorıstik sıpattaǵy qaýip-qaterler oryn alǵan jaǵdaıda qoldanylatyn is-áreket daǵdylaryn meńgerdi.
«Azamattardyń ótkizilip jatqan oqý-jattyǵýǵa túsinistikpen qarap, tynyshtyq saqtap, jol qozǵalysynyń baǵytyn aldyn ala belgilep, oqýǵa jumyldyrylǵan mamandardyń zańdy talaptaryn oryndaýǵa shaqyramyz», - dep habarlady terrorızmge qarsy kúres shtabynda. 
