Qaraǵandy men Shyǵys Qazaqstan oblystarynyń ınvestıtsııalyq áleýeti óte joǵary - T.Musabaev
TANA. 28 qazan. QazAqparat /Marlan Jıembaı/ - Qaraǵandy men Shyǵys Qazaqstan oblystarynyń ınvestıtsııalyq áleýeti óte joǵary.
Bul týraly búgin QR Qurylys isteri jáne TKSh jónindegi agenttik uıymdastyrǵan «2011-2013 jyldarǵa arnalǵan QR aýmaǵyn uıymdastyrýdyń bas kestesin ázirleý barysy» týraly semınar-keńeste Qazaq seısmıkaǵa tózimdi qurylys pen sáýlet ǵylymı-zertteý jáne jobalaý-eksperımenttik ınstıtýty Astana fılıalynyń dırektory Turlybek Musabaev málim etti.
«Qazaqstannyń óńirleri 3 negizgi topqa bólinedi. Olardyń árqaısysy ózindik ınvestıtsııalyq ahýalymen erekshelenedi. Joǵary ınvestıtsııalyq áleýetti jáne joǵary táýekeldi topqa ónerkásibi aıtarlyqtaı damyǵan Qaraǵandy jáne Shyǵys Qazaqstan oblystary kiredi. Bul óńirlerde ınvestıtsııalyq ahýaldy jaqsartýǵa qorshaǵan orta jaǵdaıyn túbegeıli ózgertý joly arqyly qol jetkizýge bolady. Óıtkeni olardyń úlesine aýaǵa taralatyn lastaýshy zattar shyǵaryndylarynyń jartysynan astamy tıesili», - dedi ol QR aýmaǵyn uıymdastyrýdyń bas kestesin keshendi ázirleýdiń bastapqy kezeńiniń qorytyndysyn tanystyrý barysynda.
Onyń atap ótýinshe, ekinshi topqa Astana qalasy, Aqtóbe, Jambyl, Batys Qazaqstan, Qyzylorda, Mańǵystaý, Soltústik Qazaqstan oblystary kiredi. Bul óńirlerdegi ınvestıtsııalyq ahýaldy jaqsartý qaıta óńdeýshi salalardy damytý negizinde olardyń áleýetin arttyrý arqyly júrgizilýi kerek. Al úshinshi topqa Pavlodar, Qostanaı, Atyraý jáne Almaty oblystary jatady. Bul óńirlerde joǵary ınvestıtsııalyq áleýet pen tómengi táýekeldiń úılesýi tán.
