Qaraǵandy men Qyzylorda oblystarynyń turǵyndary arasynda aýrýlardyń ósý sebepterine ǵylymı zertteý júrgizilmek
«Qazaqstannyń ekologııalyq uıymdary qaýymdastyǵynyń 2021 jylǵy 28 maýsymdaǵy «Baıqońyr» ǵarysh aılaǵy qyzmetiniń qorshaǵan ortaǵa jáne azamattardyń densaýlyǵyna teris áserin azaıtý» taqyrybyndaǵy dóńgelek ústeliniń usynymdary qaraldy. Jalpy bul baǵytta jumystar júrgizilýde. Máselen, Qaraǵandy jáne Qyzylorda oblystarynda «Baıqońyr» ǵarysh aılaǵyna jaqyn jerde jáne zymyran tasyǵyshtardyń synyqtary qulaǵan aýdandarda turatyn halyqty jyl saıyn skrınıngtik tekserý júrgiziledi. Qazirgi ýaqytta Qaraǵandy jáne Qyzylorda oblystarynyń turǵyndary arasynda aýrýlardyń ósý sebepteri boıynsha ǵylymı zertteýler júrgizý máselesi pysyqtalýda», - dedi Úkimet basshysy jaýabynda.
Onyń atap ótýinshe, «Baıqońyr» kesheniniń zymyran-ǵarysh qyzmetiniń áserine ushyraǵan aýmaqtardaǵy qorshaǵan ortanyń jaı-kúıine turaqty monıtorıng júrgiziledi.
«Zymyran-ǵarysh qyzmetiniń tirshilik etý ortasynyń jaı-kúıine jáne halyqtyń densaýlyǵyna áserin zertteý nátıjeleri bar aqparattyq materıaldar halyqqa turaqty túrde usynylady», - dedi Premer-Mınıstr.
