Qaraǵandy men Belgrad fýtbol klýbtary arasyndaǵy kezdesý 1:2 esebimen aıaqtaldy
ALMATY. 18 qańtar. QazAqparat - Keshe Túrkııanyń Antalııa qalasynda fýtboldan Qaraǵandynyń «Shahteri» men Belgradtyń «Salıýti» arasynda sparrıngtik kezdesý ótti.
Qaraǵandylyqtar ótken maýsyda Qazaqstan Premer-lıgasynda chempıondyq ataǵyn saqtap qalsa, belgradtyqtar 2011/2012 jylǵy maýsymda Reseıdiń ekinshi dıvızıonynyń «Ortalyq» aımaǵynda birinshi oryn alǵan bolatyn. Sergeı Tashýev jattyqtyratyn «Salıýt» oıynshylary «Shahter» qaqpasyna soqqan 2 dopty da oıynnyń birinshi jartysynda engizdi. Oǵan qaraǵandylyqtardan tek ekinshi taımnyń ortasyna taman kolýmbııalyq legıoner Rodjer Kanıans esepti 1:2-ge deıin qysqartty. Rodjer buǵan deıin Germanııanyń «Sandhaýzen» komandasymen bolǵan sparrıngtik kezdesýde de bir márte kózge túsken bolatyn. Onda olar qarsylastaryna 2:4 esebimen utylǵan edi. Endi 22, 27 qańtar kúnderi Ýkraınanyń Ýjgrod qalasynyń «Goverla» jáne Lýgansk qalasynyń «Zarıa» komandalarymen kúsh synaspaq.
